adhure KHwab

Farigh Bukhari

adhure KHwab

Farigh Bukhari

MORE BYFarigh Bukhari

    INTERESTING FACT

    (Naqsh, Karachi May-June 1973)

    ye ġhanīmat hai ki vo ḳhvāb adhūre rahe

    vo jo ik umr talak

    merī be-ḳhvāb nigāhoñ uḌāte the mazāq

    vo jinheñ sāda-dilī samjhī junūñ tiryāk

    jo kabhī baam pe chamke

    kabhī dar se jhāñke

    kabhī rauzan kabhī chilman se numūdār hue

    jo kabhī zulf jaadū

    to kabhī shola-e-ruḳhsār hue

    jo kabhī chashm-e-fusūñ-kār hue

    khol kar band darīche chaman-ārā.ī

    aarzū bante ga.e jo ġham-e-tanhā.ī

    ye ġhanīmat hai ki vo ḳhvāb adhūre rahe

    marg-e-ta.abīr unvāñ na bane

    varna ye tohmat-e-rusvā.ī kahāñ se aatī

    mere fan meñ ye masīhā.ī kahāñ se aatī

    ye ghanimat hai ki wo KHwab adhure hi rahe

    wo jo ek umr talak

    meri be-KHwab nigahon ka uDate the mazaq

    wo jinhen sada-dili samjhi junun ka tiryak

    jo kabhi baam pe chamke

    kabhi dar se jhanke

    kabhi rauzan kabhi chilman se numudar hue

    jo kabhi zulf ka jadu

    to kabhi shola-e-ruKHsar hue

    jo kabhi chashm-e-fusun-kar hue

    khol kar band dariche chaman-arai ki

    aarzu bante gae jo gham-e-tanhai ki

    ye ghanimat hai ki wo KHwab adhure hi rahe

    marg-e-tabir ka unwan na bane

    warna ye tohmat-e-ruswai kahan se aati

    mere fan mein ye masihai kahan se aati

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY