adhuri

maiñ ne jis ko ruḳhsat kiyā thā

apne hī hāthoñ se

chhe din pahle

jī ye chāhā phone to kar luuñ us ko

us kī ik āvāz to sun luuñ

phone milāyā jūñhī maiñ ne

beTī merī bolī hello

hello hī bas maiñ kar paayā

jaane kaise dil bhar aayā

TuuT gayā phir zabt kā bandhan

aañkh meñ utre bhādoñ sāvan

rote rote siskī ubhrī

mīloñ duur se beTī bolī

pāpā-jānī! rote ho tum

ashkoñ se muñh dhote ho tum

phone kā maiñ ne naatā toḌā

phir yuuñ apne-āp se bolā

jī haañ chandā rotā huuñ maiñ

ashkoñ se muñh dhotā huuñ maiñ

ro.uuñ na to aur karūñ kyā

mere bas meñ hai itnā sā

main ne jis ko ruKHsat kiya tha

apne hi hathon se

chhe din pahle

ji ye chaha phone to kar lun us ko

us ki ek aawaz to sun lun

phone milaya junhi main ne

beTi meri boli hello

hello hi bas main kar paya

jaane kaise dil bhar aaya

TuT gaya phir zabt ka bandhan

aankh mein utre bhadon sawan

rote rote siski ubhri

milon dur se beTi boli

papa-jaani! rote ho tum

ashkon se munh dhote ho tum

phone ka main ne nata toDa

phir yun apne-ap se bola

ji han chanda rota hun main

ashkon se munh dhota hun main

roun na to aur karun kya

mere bas mein hai itna sa