agar ye zindagi tanha nahin hoti

agar ye zindagī tanhā nahīñ hotī

to is ko ḳhūb-sūrat phuul meñ tabdīl karne ke liye

katrā na jā saktā

kabhī is se koī kāġhaz kī kashtī joḌ kar

gahre samundar kī taraf bhejī na jā saktī

safar ke darmiyāñ aa.ī ik an-jānī sarā.e meñ

zarā se daam ke badle

ise haarā na jā saktā

agar ye zindagī tanhā nahīñ hotī

to is ko muḳhtalif TukḌoñ ke andar baañT kar

ham apnī marzī ke na un meñ rañg bhar sakte

baḌī miqdār meñ is ko

na ham email kar sakte

agar ye zindagī tanhā nahīñ hotī

to is ke ḳhūb-sūrat rañg

āvāra sī ik bārish meñ dho Daale na jā sakte

agar ye zindagī tanhā nahīñ hotī

to is ke fāltū TukḌe

muñDeroñ par parindoñ ke liye pheñke na jā sakte

agar ye zindagi tanha nahin hoti

to is ko KHub-surat phul mein tabdil karne ke liye

katra na ja sakta

kabhi is se koi kaghaz ki kashti joD kar

gahre samundar ki taraf bheji na ja sakti

safar ke darmiyan aai ek an-jaani sarae mein

zara se dam ke badle

ise haara na ja sakta

agar ye zindagi tanha nahin hoti

to is ko muKHtalif TukDon ke andar banT kar

hum apni marzi ke na un mein rang bhar sakte

baDi miqdar mein is ko

na hum email kar sakte

agar ye zindagi tanha nahin hoti

to is ke KHub-surat rang

aawara si ek barish mein dho Dale na ja sakte

agar ye zindagi tanha nahin hoti

to is ke faltu TukDe

munDeron par parindon ke liye phenke na ja sakte