ai dil mere nashad mere

ham-zād mire barbād mire

ik umr se is zindāñ meñ huuñ

par khol mire āzād to kar

mire pairoñ meñ zanjīr-e-vafā

use toḌ zarā mujhe joḌ zarā

mujhe jiine kī tahzīb to de

mirī sāñsoñ ko tartīb to de

ab ḳhud ko zarā tū shaad to kar

mujhe jīvan se āzād to kar

tū jāntā hai is jīvan ko

ye madfan hai har hasrat kā

ye jīvan hai ik maut-numā

mujhe duur yahāñ se jaanā hai

uḌnā hai falak kī jānib ab

ik zindāñ se zindāñ kī taraf

hairāñ kī taraf jānāñ kī taraf

haañ us kī taraf jis kī ḳhātir

ye āñkheñ barsī haiñ shab-bhar

jo ḳhushbū des kā baasī hai

aur jis ko nahīñ ab merī ḳhabar

ai dil mere maiñ ḳhāk-nashīñ

kyā chāñd ko ab tasḳhīr karūñ

kis ḳhvāb ko kyuuñ ta.abīr karūñ

tārīk sā ye jo jīvan hai

ab kaise ise tanvīr karūñ

ik rang jo hai dāman meñ mire

use kitnī dafa tasvīr karūñ

dukh saare kyuuñ tahrīr karūñ

ham-zād mire nāshād mire

ai dil mere barbād mire

ab ḳhud ko zarā tū shaad to kar

ab tū mujh ko āzād to kar

mujhe jaanā hai jānāñ kī taraf

hairāñ kī taraf zindāñ kī taraf

ham-zad mere barbaad mere

ek umr se is zindan mein hun

par khol mere aazad to kar

mere pairon mein zanjir-e-wafa

use toD zara mujhe joD zara

mujhe jine ki tahzib to de

meri sanson ko tartib to de

ab KHud ko zara tu shad to kar

mujhe jiwan se aazad to kar

tu jaanta hai is jiwan ko

ye madfan hai har hasrat ka

ye jiwan hai ek maut-numa

mujhe dur yahan se jaana hai

uDna hai falak ki jaanib ab

ek zindan se zindan ki taraf

hairan ki taraf jaanan ki taraf

han us ki taraf jis ki KHatir

ye aankhen barsi hain shab-bhar

jo KHushbu des ka basi hai

aur jis ko nahin ab meri KHabar

ai dil mere main KHak-nashin

kya chand ko ab tasKHir karun

kis KHwab ko kyun tabir karun

tarik sa ye jo jiwan hai

ab kaise ise tanwir karun

ek rang jo hai daman mein mere

use kitni dafa taswir karun

dukh sare kyun tahrir karun

ham-zad mere nashad mere

ai dil mere barbaad mere

ab KHud ko zara tu shad to kar

ab tu mujh ko aazad to kar

mujhe jaana hai jaanan ki taraf

hairan ki taraf zindan ki taraf