ai KHuda

hai yahī iltijā sun hamārī du'ā

ai ḳhudā ai ḳhudā ai ḳhudā ai ḳhudā

tū hai mā'būd terī 'ibādat kareñ

tere mahbūb kī ham itā'at kareñ

raat din ham kareñ shukr terā adā

ai ḳhudā ai ḳhudā ai ḳhudā ai ḳhudā

tere ġhaiz-o-ġhazab se sadā ham Dareñ

bandagī meñ tirī tujh ko sajde kareñ

vo kareñ ham ki jis meñ ho terī razā

ai ḳhudā ai ḳhudā ai ḳhudā ai ḳhudā

zevar-e-'ilm se kar de ārāsta

kāmrānī se rakhnā sadā vāsta

har musībat meñ terā rahe aasrā

ai ḳhudā ai ḳhudā ai ḳhudā ai ḳhudā

terī rahmat ke saa.e meñ chalte raheñ

misl-e-sham'-e-farozāñ pighalte raheñ

nūr-e-īmān dil meñ hamāre basā

ai ḳhudā ai ḳhudā ai ḳhudā ai ḳhudā

ham haiñ muhtāj aur tū hai hājat-ravā

puurā kar de hamārā dilī mudda'ā

kul jahāñ meñ nahīñ koī tere sivā

ai ḳhudā ai ḳhudā ai ḳhudā ai ḳhudā

hai yahi iltija sun hamari du'a

ai KHuda ai KHuda ai KHuda ai KHuda

tu hai ma'bud teri 'ibaadat karen

tere mahbub ki hum ita'at karen

raat din hum karen shukr tera ada

ai KHuda ai KHuda ai KHuda ai KHuda

tere ghaiz-o-ghazab se sada hum Daren

bandagi mein teri tujh ko sajde karen

wo karen hum ki jis mein ho teri raza

ai KHuda ai KHuda ai KHuda ai KHuda

zewar-e-'ilm se kar de aarasta

kaamrani se rakhna sada wasta

har musibat mein tera rahe aasra

ai KHuda ai KHuda ai KHuda ai KHuda

teri rahmat ke sae mein chalte rahen

misl-e-sham'-e-farozan pighalte rahen

nur-e-iman dil mein hamare basa

ai KHuda ai KHuda ai KHuda ai KHuda

hum hain muhtaj aur tu hai hajat-rawa

pura kar de hamara dili mudda'a

kul jahan mein nahin koi tere siwa

ai KHuda ai KHuda ai KHuda ai KHuda