ai mere mehrban

pūchhtī huuñ tumheñ ik savāl aaj maiñ

pūchhtī huuñ vo lamhe kahāñ haiñ bhalā

jo tire paas the

jo mirī aas the

mere lamhe bhalā dhuul kaise hue

ḳhvāb vo vaqt kī dhuul kaise hue

kaise bujhne lage the sitāre sabhī

kaise jugnū añdheroñ meñ ḳhud kho ga.e

titliyāñ phuul se duur kaise huiiñ

abr se aag kaise barasne lagī

zindagī kis liye mujh pe hañsne lagī

ek shahnā.ī meñ dab ga.iiñ siskiyāñ

sog kī kaifiyat vaqt mātam-kunāñ

har taraf shor thā har taraf thī fuġhāñ

bebasī ke vo lamhe the nā-mehrbāñ

ho rahī thī raqam ik na.ī dāstāñ

aise lamhāt meñ so ga.e tum kahāñ

chhoḌ kar mujh ko maqtal meñ tanhā bhalā

so ga.e tum kahāñ

ai mire mehrbāñ

puchhti hun tumhein ek sawal aaj main

puchhti hun wo lamhe kahan hain bhala

jo tere pas the

jo meri aas the

mere lamhe bhala dhul kaise hue

KHwab wo waqt ki dhul kaise hue

kaise bujhne lage the sitare sabhi

kaise jugnu andheron mein KHud kho gae

titliyan phul se dur kaise huin

abr se aag kaise barasne lagi

zindagi kis liye mujh pe hansne lagi

ek shahnai mein dab gain siskiyan

sog ki kaifiyat waqt matam-kunan

har taraf shor tha har taraf thi fughan

bebasi ke wo lamhe the na-mehrban

ho rahi thi raqam ek nai dastan

aise lamhat mein so gae tum kahan

chhoD kar mujh ko maqtal mein tanha bhala

so gae tum kahan

ai mere mehrban