aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ai nigar-e-watan

Akhtar Payami

ai nigar-e-watan

Akhtar Payami

MORE BYAkhtar Payami

    tujhe kuchh us ḳhabar bhī hai ai nigār-e-vatan

    tire liye koī sīna-figār hai ab bhī

    uThā chukā huuñ fareb-e-vafā ke daaġh magar

    shikasta dil ko tirā e'tibār hai ab bhī

    hazāroñ kāhkashāñ ne bichhā.e jaal magar

    mirī nazar meñ tirī rahguzār hai ab bhī

    vo ek qatra jo Tapkā thā tere dāman par

    vo ek naqsh mirā shāhkār hai ab bhī

    vo ek lamha tire ġham meñ jo guzārā thā

    sukūn-e-ḳhātir-e-be-iḳhtiyār hai ab bhī

    vo kisht-e-dil ki jise āñsuoñ ne sīñchā thā

    harīf-e-chashmak-o-barq-o-sharar hai ab bhī

    ḳhizāñ ne yuuñ to ka.ī sabz-bāġh dikhlā.e

    bahār muntazir-e-nau-bahār hai ab bhī

    ravish ravish pe haiñ charche ḳhizāñ-nasībī ke

    kalī kalī nazar sogvār hai ab bhī

    lahū Tapaktā hai gulchīñ āstīnoñ se

    qabā-e-lāla-o-gul dāġhdār hai ab bhī

    bahut qarīb haiñ ab bhī qafas dīvāreñ

    bahut buland sar-e-shāḳh-sār hai ab bhī

    tujhe kuchh us ki KHabar bhi hai ai nigar-e-watan

    tere liye koi sina-figar hai ab bhi

    uTha chuka hun fareb-e-wafa ke dagh magar

    shikasta dil ko tera e'tibar hai ab bhi

    hazaron kahkashan ne bichhae jal magar

    meri nazar mein teri rahguzar hai ab bhi

    wo ek qatra jo Tapka tha tere daman par

    wo ek naqsh mera shahkar hai ab bhi

    wo ek lamha tere gham mein jo guzara tha

    sukun-e-KHatir-e-be-iKHtiyar hai ab bhi

    wo kisht-e-dil ki jise aansuon ne sincha tha

    harif-e-chashmak-o-barq-o-sharar hai ab bhi

    KHizan ne yun to kai sabz-bagh dikhlae

    bahaar muntazir-e-nau-bahaar hai ab bhi

    rawish rawish pe hain charche KHizan-nasibi ke

    kali kali ki nazar sogwar hai ab bhi

    lahu Tapakta hai gulchin ki aastinon se

    qaba-e-lala-o-gul daghdar hai ab bhi

    bahut qarib hain ab bhi qafas ki diwaren

    bahut buland sar-e-shaKH-sar hai ab bhi

    Source:

    Aina Khane (Pg. 95)

    • Author: Akhtar payami
      • Edition: 2004
      • Publisher: Zain Publications
      • Year of Publication: 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now