aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ajib qissa hai

Javed Akhtar

ajib qissa hai

Javed Akhtar

MORE BYJaved Akhtar

    ajiib qissa hai

    jab ye duniyā samajh rahī thī

    tum apnī duniyā meñ rahī ho

    maiñ apnī duniyā meñ rahā huuñ

    to ham ne saarī nigāhoñ se duur

    ek duniyā basā.ī thī

    jo ki merī bhī thī

    tumhārī bhī thī

    jahāñ fazāoñ meñ

    donoñ ke ḳhvāb jāgte the

    jahāñ havāoñ meñ

    donoñ sargoshiyāñ ghulī thiiñ

    jahāñ ke phūloñ meñ

    donoñ aarzū ke sab rañg

    khil rahe the

    jahāñ pe donoñ jur.atoñ ke

    hazār chashme ubal rahe the

    na vasvase the na ranj-o-ġham the

    sukūn gahrā ik samundar thā

    aur ham the

    ajiib qissa hai

    saarī duniyā ne

    jab ye jaanā

    ki ham ne saarī nigāhoñ se duur

    ek duniyā basā.ī hai to

    har ek abrū ne jaise ham par kamān taanī

    tamām peshāniyoñ pe ubhrīñ

    ġham aur ġhusse gahrī shikneñ

    kisī ke lahje se talḳhī chhalkī

    kisī bātoñ meñ turshī aa.ī

    kisī ne chāhā

    ki koī dīvār uThā de

    kisī ne chāhā

    hamārī duniyā vo miTā de

    magar zamāne ko hārnā thā

    zamāna haarā

    ye saarī duniyā ko mānñā paḌā

    hamāre ḳhayāl ek zamīñ hai

    hamāre ḳhvāboñ ek jaisā āsmāñ hai

    magar purānī ye dāstāñ hai

    ki ham pe duniyā

    ab ek arse se mehrbāñ hai

    ajiib qissa hai

    jab ki duniyā ne

    kab taslīm kar liyā hai

    ham ek duniyā ke rahne vaale haiñ

    sach to ye hai

    tum apnī duniyā meñ rahī ho

    maiñ apnī duniyā meñ rahā huuñ!

    ajib qissa hai

    jab ye duniya samajh rahi thi

    tum apni duniya mein ji rahi ho

    main apni duniya mein ji raha hun

    to hum ne sari nigahon se dur

    ek duniya basai thi

    jo ki meri bhi thi

    tumhaari bhi thi

    jahan fazaon mein

    donon ke KHwab jagte the

    jahan hawaon mein

    donon ki sargoshiyan ghuli thin

    jahan ke phulon mein

    donon ki aarzu ke sab rang

    khil rahe the

    jahan pe donon ki juraton ke

    hazar chashme ubal rahe the

    na waswase the na ranj-o-gham the

    sukun ka gahra ek samundar tha

    aur hum the

    ajib qissa hai

    sari duniya ne

    jab ye jaana

    ki hum ne sari nigahon se dur

    ek duniya basai hai to

    har ek abru ne jaise hum par kaman tani

    tamam peshaniyon pe ubhrin

    gham aur ghusse ki gahri shiknen

    kisi ke lahje se talKHi chhalki

    kisi ki baaton mein turshi aai

    kisi ne chaha

    ki koi diwar hi uTha de

    kisi ne chaha

    hamari duniya hi wo miTa de

    magar zamane ko haarna tha

    zamana haara

    ye sari duniya ko manna hi paDa

    hamare KHayal ki ek si zamin hai

    hamare KHwabon ka ek jaisa hi aasman hai

    magar purani ye dastan hai

    ki hum pe duniya

    ab ek arse se mehrban hai

    ajib qissa hai

    jab ki duniya ne

    kab ka taslim kar liya hai

    hum ek duniya ke rahne wale hain

    sach to ye hai

    tum apni duniya mein ji rahi ho

    main apni duniya mein ji raha hun!

    Source:

    LAVA (Pg. 63)

    • Author: Javed Akhtar
      • Edition: 2012
      • Publisher: Rajkamal Parakashan Pvt. Ltd
      • Year of Publication: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now