Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ajnabi lamhe

Qaisarul Jafri

ajnabi lamhe

Qaisarul Jafri

MORE BYQaisarul Jafri

    havā ke dosh par uḌte hue ye ajnabī lamhe

    kahīñ aisā na ho parchhā.iyāñ de kar guzar jaa.eñ

    hameñ Dastī huī tanhā.iyāñ de kar guzar jaa.eñ

    Dhalak jaatā hai ik ik pal pe sar se reshmī āñchal

    kalā.ī meñ sunahrī chūḌiyāñ khankā.ī jaatī haiñ

    chaTak uThtī hoñ jaise narm kaliyāñ shāḳh-sāroñ par

    hinā.ī uñgliyāñ is naaz se chaTḳhā.ī jaatī haiñ

    nasha bhar diyā āñkhoñ meñ sharm-e-ajnabiyyat ne

    adā.eñ aur ziyāda ḳhūbsūrat hotī jaatī haiñ

    ta.āruf be-ta.āruf ho chukā aao hañseñ boleñ

    ki ab ḳhāmoshiyāñ baḌh kar qayāmat hotī jaatī haiñ

    mulāqātoñ ke dāman meñ tabassum bhī hai aañsū bhī

    qarār-e-jāñ mayassar ho ki zaḳhm-e-dil mile ham ko

    uḌe jaate haiñ par tole hue ye ajnabī lamhe

    ḳhudā ma.alūm kis aalam meñ mustaqbil mile ham ko

    mujhe tum ajnabī kah lo tumheñ maiñ ajnabī kah luuñ

    magar apnā.iyat ke tāne-bāne bun rahā huuñ maiñ

    mirī ḳhāmosh nazroñ ke taqāze tum pe vāzeh haiñ

    tumhāre murta.ish hoñToñ ke naġhme sun rahā huuñ maiñ

    tamanna ke ye lamhe jin meñ gīrā.ī hai sadiyoñ

    hamārī ruuh ḳhalvat-sarā se ho ke aa.e haiñ

    zabāñ kholo kaho maiñ in hasīñ lamhoñ se kyā kah duuñ

    ye lamhe pūchhte haiñ kyā abhī tak ham parā.e haiñ

    havā ke dosh par uḌte hue ye ajnabī lamhe

    hawa ke dosh par uDte hue ye ajnabi lamhe

    kahin aisa na ho parchhaiyan de kar guzar jaen

    hamein Dasti hui tanhaiyan de kar guzar jaen

    Dhalak jata hai ek ek pal pe sar se reshmi aanchal

    kalai mein sunahri chuDiyan khankai jati hain

    chaTak uThti hon jaise narm kaliyan shaKH-saron par

    hinai ungliyan is naz se chaTKHai jati hain

    nasha sa bhar diya aankhon mein sharm-e-ajnabiyyat ne

    adaen aur ziyaada KHubsurat hoti jati hain

    taaruf be-taaruf ho chuka aao hansen bolen

    ki ab KHamoshiyan baDh kar qayamat hoti jati hain

    mulaqaton ke daman mein tabassum bhi hai aansu bhi

    qarar-e-jaan mayassar ho ki zaKHm-e-dil mile hum ko

    uDe jate hain par tole hue ye ajnabi lamhe

    KHuda malum kis aalam mein mustaqbil mile hum ko

    mujhe tum ajnabi kah lo tumhein main ajnabi kah lun

    magar apnaiyat ke tane-bane bun raha hun main

    meri KHamosh nazron ke taqaze tum pe wazeh hain

    tumhaare murtaish honTon ke naghme sun raha hun main

    tamanna ke ye lamhe jin mein girai hai sadiyon ki

    hamari ruh ki KHalwat-sara se ho ke aae hain

    zaban kholo kaho main in hasin lamhon se kya kah dun

    ye lamhe puchhte hain kya abhi tak hum parae hain

    hawa ke dosh par uDte hue ye ajnabi lamhe

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now