aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ajnabi

Sabir Dutt

ajnabi

Sabir Dutt

MORE BYSabir Dutt

    ajnabī rahne de mujh ko, mujhe apnā na banā

    meñ tirī maañg sitāroñ se nahīñ bhar saktā

    tere dāman ko bahāroñ se nahīñ bhar saktā

    merī be-rañg fazāoñ meñ kahāñ shaam o sahar

    mere tārīk gharauñde meñ kahāñ terā guzar

    mere sahrā se gulistānoñ ummīd na kar

    ujḌī duniyā se shabistānoñ ummīd na kar

    ajnabī rahne de mujh ko, mujhe apnā na banā

    merī ḳhātir ye mahl aur ye mehrāb na chhoḌ

    ḳhvāb-gāhoñ ke masarrat se bhare ḳhvāb na chhoḌ

    raushnī chhoḌ ke dar aa na siyah-ḳhāne meñ

    sham.a raushan ho bhalā kyuuñ kisī vīrāne meñ

    maiñ tujhe koī hasīñ taaj nahīñ de saktā

    kal to kal hai maiñ tujhe aaj nahīñ de saktā

    ajnabī rahne de mujh ko, mujhe apnā na banā

    ajnabi rahne de mujh ko, mujhe apna na bana

    mein teri mang sitaron se nahin bhar sakta

    tere daman ko bahaaron se nahin bhar sakta

    meri be-rang fazaon mein kahan sham o sahar

    mere tarik gharaunde mein kahan tera guzar

    mere sahra se gulistanon ki ummid na kar

    ujDi duniya se shabistanon ki ummid na kar

    ajnabi rahne de mujh ko, mujhe apna na bana

    meri KHatir ye mahl aur ye mehrab na chhoD

    KHwab-gahon ke masarrat se bhare KHwab na chhoD

    raushni chhoD ke dar aa na siyah-KHane mein

    shama raushan ho bhala kyun kisi virane mein

    main tujhe koi hasin taj nahin de sakta

    kal to kal hai main tujhe aaj nahin de sakta

    ajnabi rahne de mujh ko, mujhe apna na bana

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now