alamiya-e-naqd

Fay Seen Ejaz

alamiya-e-naqd

Fay Seen Ejaz

MORE BYFay Seen Ejaz

    ye be-rahm choToñ ḳhasāroñ duniyā

    ye kāġhaz ke jhūTe sahāroñ duniyā

    ye rūpyoñ ke lālach ke māroñ duniyā

    ye rūpya agar mil bhī jaa.e to kyā hai

    har ik jeb chhalnī har ik aañkh pyāsī

    har ik ruḳh pe phailī huī bad-havāsī

    ho mansūḳh rupiyoñ kaise nikāsī

    ye rupaya agar mil bhī jaa.e to kyā hai

    hamārā hai phir bhī hamārā nahīñ hai

    tasarruf par apnā ijārā nahīñ hai

    bulandī par apnā sitārā nahīñ hai

    ye rūpya agar mil bhī jaa.e to kyā hai

    ye ḳhuuñ aur pasīne gāḌhī kamā.ī

    samajh meñ yahī baat ab tak na aa.ī

    bhalā kab ġharīboñ ke ye kaam aa.ī

    ye rūpya agar mil bhī jaa.e to kyā hai

    paḌī bāñjh haiñ a-t-m mashīneñ

    ghisīñ bank chaukhaToñ pe jabīneñ

    qatāroñ meñ sab chhup ga.ī haiñ zamīneñ

    ye rūpya agar mil bhī jaa.e to duniyā

    sabhī kaale dhan vaale haiñ ḳhairiyat se

    jahāñ haiñ jidhar haiñ vo haiñ āfiyat se

    mile na mile un ko achchhī niyyat se

    ye rūpya agar mil bhī jaa.e to kyā hai

    chamakdār dhan kaale dhan se nikālo

    ġharīboñ ko rañj-o-mehan se nikālo

    hameñ tum hamāre kafan se nikālo

    ye rūpya agar mil bhī jaa.e to kyā hai

    ye mazdūr ye aam tājir ye modī

    sabhī sāda-lauhoñ kashtī Dubo

    kisī ke bhī pīchhe se suuī chubho

    ye rūpya agar mil bhī jaa.e to kiyā hai

    baḌī shiddateñ aurteñ sah rahī hai

    khaḌī apne ashkoñ meñ vo bah rahī hai

    raqam le ke hāthoñ meñ ye kah rahī hai

    ye rūpya agar mil bhī jaa.e to kyā hai

    rūpa.e ghar meñ rakhne achchhī sazā hai

    na roTī pakī hai na sālan banā hai

    ka.ī din se ghar meñ na chūlhā jalā hai

    ye rūpya agar mil bhī jaa.e to kyā hai

    na.e note qadd-o-qāmat to dekho

    ye chūran parchī shāmat to dekho

    ye kāġhaz patlī hajāmat to dekho

    ye rūpya agar mil bhī jaa.e to kyā hai

    ye hai biis sau magar sau se halkā

    hai bārīk itnā ki surma kharal

    currency āñkhoñ paanī hai Dhalkā

    ye rūpya agar mil bhī jaa.e to kyā hai

    hamāre saroñ ko fazā meñ uchhālo

    hameñ shauq-e-sabr-āzmā meñ uchhālo

    ye be-kār note ab havā meñ uchhālo

    ye rūpya agar mil bhī jaa.e to kyā hai

    har ik ġham ko ifrāt-e-zar meñ bahā lo

    ma.īshat aisā janāza nikālo

    siyāsat bhaTTī meñ sab jhoñk Daalo

    ye rūpya agar mil bhī jaa.e to kyā hai

    ye be-rahm choTon KHasaron ki duniya

    ye kaghaz ke jhuTe sahaaron ki duniya

    ye rupyon ke lalach ke maron ki duniya

    ye rupya agar mil bhi jae to kya hai

    har ek jeb chhalni har ek aankh pyasi

    har ek ruKH pe phaili hui bad-hawasi

    ho mansuKH rupiyon ki kaise nikasi

    ye rupaya agar mil bhi jae to kya hai

    hamara hai phir bhi hamara nahin hai

    tasarruf par apna ijara nahin hai

    bulandi par apna sitara nahin hai

    ye rupya agar mil bhi jae to kya hai

    ye KHun aur pasine ki gaDhi kamai

    samajh mein yahi baat ab tak na aai

    bhala kab gharibon ke ye kaam aai

    ye rupya agar mil bhi jae to kya hai

    paDi banjh hain a-t-m ki mashinen

    ghisin bank ki chaukhaTon pe jabinen

    qataron mein sab chhup gai hain zaminen

    ye rupya agar mil bhi jae to duniya

    sabhi kale dhan wale hain KHairiyat se

    jahan hain jidhar hain wo hain aafiyat se

    mile na mile un ko achchhi niyyat se

    ye rupya agar mil bhi jae to kya hai

    chamakdar dhan kale dhan se nikalo

    gharibon ko ranj-o-mehan se nikalo

    hamein tum hamare kafan se nikalo

    ye rupya agar mil bhi jae to kya hai

    ye mazdur ye aam tajir ye modi

    sabhi sada-lauhon ki kashti Dubo di

    kisi ke bhi pichhe se sui chubho di

    ye rupya agar mil bhi jae to kiya hai

    baDi shiddaten aurten sah rahi hai

    khaDi apne ashkon mein wo bah rahi hai

    raqam le ke hathon mein ye kah rahi hai

    ye rupya agar mil bhi jae to kya hai

    rupae ghar mein rakhne ki achchhi saza hai

    na roTi paki hai na salan bana hai

    kai din se ghar mein na chulha jala hai

    ye rupya agar mil bhi jae to kya hai

    nae note ka qadd-o-qamat to dekho

    ye churan ki parchi ki shamat to dekho

    ye kaghaz ki patli hajamat to dekho

    ye rupya agar mil bhi jae to kya hai

    ye hai bis sau ka magar sau se halka

    hai barik itna ki surma kharal ka

    currency ki aankhon ka pani hai Dhalka

    ye rupya agar mil bhi jae to kya hai

    hamare saron ko faza mein uchhaalo

    hamein shauq-e-sabr-azma mein uchhaalo

    ye be-kar note ab hawa mein uchhaalo

    ye rupya agar mil bhi jae to kya hai

    har ek gham ko ifraat-e-zar mein baha lo

    maishat ka aisa janaza nikalo

    siyasat ki bhaTTi mein sab jhonk Dalo

    ye rupya agar mil bhi jae to kya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY