alfaz ke tarik baadal

alfāz ke jaadū se

sehr-kāroñ ne har vaqt

patthar ko kabhī shīsha

kabhī aag ko shabnam

nafrat ko mohabbat kabhī insān ko haivān..... haivān banāyā

jis raah pe chalte rahe gumrāh musāfir

un rāhoñ ko har moḌ pe, be-moḌ pe

is tarah ghumāyā

ki jaise ḳhalāoñ meñ sabhī ghuum rahe hoñ

dīvānoñ kī mānind

gardish ne unheñ aur bhī

dīvāna banāyā

dīvānoñ ke qadmoñ meñ ye laTkī huī zanjīr alfāz kī

ab chīḳh rahī hai

alfāz pe dīvāne bharosa nahīñ karte

alfaz ke jadu se

sehr-karon ne har waqt

patthar ko kabhi shisha

kabhi aag ko shabnam

nafrat ko mohabbat kabhi insan ko haiwan haiwan banaya

jis rah pe chalte rahe gumrah musafir

un rahon ko har moD pe, be-moD pe

is tarah ghumaya

ki jaise KHalaon mein sabhi ghum rahe hon

diwanon ki manind

gardish ne unhen aur bhi

diwana banaya

diwanon ke qadmon mein ye laTki hui zanjir alfaz ki

ab chiKH rahi hai

alfaz pe diwane bharosa nahin karte