allah allah subhan-allah

har sū haiñ ishāre rahmat ke

kasrat meñ nazāre vahdat ke

kahte haiñ karishme qudrat ke

allāh allāh sub.hān-allāh

har saañs meñ hai bū-bās tirī

har dil ko lagī hai aas tirī

bande ko ġhulāmī raas tirī

allāh allāh sub.hān-allāh

nahīñ koī havas mujhe bas tū hai

titlī ko phuul kā ras tū hai

nas nas jaane nas nas tū hai

allāh allāh sub.hān-allāh

in hāthoñ meñ nuur kā parcham de

mire ilm ko vus.at-e-ālam de

tujhe koī kamī hai jo tū kam de

allāh allāh sub.hān-allāh

tirī chaukhaT aa.uuñ jā.ūñ maiñ

tire aage sar ko jhukā.ūñ maiñ

din-rāt yahī dohrā.ūñ maiñ

allāh allāh sub.hān-allāh

har su hain ishaare rahmat ke

kasrat mein nazare wahdat ke

kahte hain karishme qudrat ke

allah allah subhan-allah

har sans mein hai bu-bas teri

har dil ko lagi hai aas teri

bande ko ghulami ras teri

allah allah subhan-allah

nahin koi hawas mujhe bas tu hai

titli ko phul ka ras tu hai

nas nas jaane nas nas tu hai

allah allah subhan-allah

in hathon mein nur ka parcham de

mere ilm ko wusat-e-alam de

tujhe koi kami hai jo tu kam de

allah allah subhan-allah

teri chaukhaT aaun jaun main

tere aage sar ko jhukaun main

din-raat yahi dohraun main

allah allah subhan-allah