allah ke nam se

ḳhudā raam hai aur ḳhudā īshvar

vo bhagvān hai kul jahāñ us kā ghar

usī kā karam aur usī kī dayā

ye maktab ye ta.alīm kā hausla

kitāboñ meñ vo kār-ḳhānoñ meñ vo

zamīñ hī nahīñ āsmānoñ meñ vo

usī kī navāzish kā iz.hār haiñ

jo sar-sabz-o-shādāb ashjār haiñ

usī kī ināyat chaman rang-o-bū

mohabbat masarrat ḳhushī justujū

burā.ī se ham ko bachā.e vahī

añdhere meñ rasta dikhā.e vahī

vo rahmān hai aur vahī hai rahīm

gunahgār ke haq meñ rabb-e-karīm

KHuda ram hai aur KHuda ishwar

wo bhagwan hai kul jahan us ka ghar

usi ka karam aur usi ki daya

ye maktab ye talim ka hausla

kitabon mein wo kar-KHanon mein wo

zamin hi nahin aasmanon mein wo

usi ki nawazish ka izhaar hain

jo sar-sabz-o-shadab ashjar hain

usi ki inayat chaman rang-o-bu

mohabbat masarrat KHushi justuju

burai se hum ko bachae wahi

andhere mein rasta dikhae wahi

wo rahman hai aur wahi hai rahim

gunahgar ke haq mein rabb-e-karim