Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

alwidai mulaqat ke baad

Adnan Mohsin

alwidai mulaqat ke baad

Adnan Mohsin

MORE BYAdnan Mohsin

    be-yaqīnī ke ziine pe chalte hue

    us ne bāhar qadam jo nikālā

    to cafe dīvār se dekhtī

    monalisa ke chehre pe

    sadiyoñ se phailā tabassum bhī

    ik pal ko gahnā gayā

    Tiinā saanī āvāz ke saa.e meñ

    us ke hoñToñ jumbish

    sarāboñ mahsūs hone lagī

    us āñkhoñ pe chhā.ī huī dhund

    chāroñ dishāoñ meñ uḌne lagī

    be-yaqīnī ziina qadam-ba-qadam

    us ke pairoñ ke hamrāh baḌhne lagā

    aah khīñchī aur us ne

    do-ālam saarī udāsī ko

    apne badan meñ sameTā to sochā

    ki kohra udāsī ham-zād hai

    yak-ba-yak

    zabt āmariyyat ke bāġhī

    kisī ḳhvāb ne

    us palkoñ ke zindāñ se

    kuud kar ḳhud-kushī to

    mafrūr aañsū qatāreñ banā kar nikalne lage

    gol-chakkar pe raushan kisī qumqume ke

    ujāle meñ geñde ke phūloñ ne

    jab us ke gāloñ pe girtī huī

    os dekhī to murjhā ga.e

    surma.ī ghaas ne

    saal āḳhirī shaam

    meñ aaj pahlī dafa

    us ko ḳhāmosh dekhā

    to nam ho ga.ī

    chāroñ jānib utartī huī dhund ne

    ḳhud ko kuchh aur bojhal kiyā

    us ko logoñ nazroñ se ojhal kiyā

    aur vo laḌkī kahīñ kho ga.ī

    be-yaqini ke zine pe chalte hue

    us ne bahar qadam jo nikala

    to cafe ki diwar se dekhti

    monalisa ke chehre pe

    sadiyon se phaila tabassum bhi

    ek pal ko gahna gaya

    Tina sani ki aawaz ke sae mein

    us ke honTon ki jumbish

    sarabon si mahsus hone lagi

    us ki aankhon pe chhai hui dhund

    chaaron dishaon mein uDne lagi

    be-yaqini ka zina qadam-ba-qadam

    us ke pairon ke hamrah baDhne laga

    aah khinchi aur us ne

    do-alam ki sari udasi ko

    apne badan mein sameTa to socha

    ki kohra udasi ka ham-zad hai

    yak-ba-yak

    zabt ki aamariyyat ke baghi

    kisi KHwab ne

    us ki palkon ke zindan se

    kud kar KHud-kushi ki to

    mafrur aansu qataren bana kar nikalne lage

    gol-chakkar pe raushan kisi qumqume ke

    ujale mein gende ke phulon ne

    jab us ke galon pe girti hui

    os dekhi to murjha gae

    surmai ghas ne

    sal ki aaKHiri sham

    mein aaj pahli dafa

    us ko KHamosh dekha

    to nam ho gai

    chaaron jaanib utarti hui dhund ne

    KHud ko kuchh aur bojhal kiya

    us ko logon ki nazron se ojhal kiya

    aur wo laDki kahin kho gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now