alwida

MORE BYAbdul Ahad Saaz

    INTERESTING FACT

    read out with a heavy heart in his farewell speech at the school

    laḌakpan rafīq ai ham-navā-e-naġhma-e-tiflī

    hamārī gyārah saala zindagī dil-nashīñ vaadī

    hamāre zehn taḳh.īl ehsās sāthī

    hamāre zauq rahbar hamārī aql haadī

    hamāre dāman-e-afkār par terā saayā hai

    ḳhushā schōl ki ham ne tujhī se faiz paayā hai

    hamārī dhaḌkaneñ tere bām-o-dar meñ pinhāñ haiñ

    tire māhaul meñ ham sab ke mahsūsāt ġhaltāñ haiñ

    hamārī ārzueñ tere dālānoñ meñ raqsāñ haiñ

    nuqūsh-e-ahd-e-rafta tere māthe par numāyāñ haiñ

    hamāre vāste ek lāfānī masarrat hai

    hameñ schōl tere zarre zarre se mohabbat hai

    tire āġhosh meñ bachpan ke ham ne din bitā.e haiñ

    tire āñgan meñ kitnā ro.e kitnā muskurā.e haiñ

    yahāñ masrūr āñkhoñ meñ na.e armāñ jagā.e haiñ

    yahāñ ma.asūm hoñToñ se tarāne ham ne gaa.e haiñ

    tire saa.e meñ bachpan suhānī yādgāreñ haiñ

    hamāre ahd-e-gum-gashta ke lamhoñ qatāreñ haiñ

    yahāñ se dostī kitnī tāmīreñ uThā.ī haiñ

    rafāqat hayāt-afroz duniyā.eñ basā.ī haiñ

    yahāñ par shoḳhiyoñ be-karāñ maujeñ bahā.īñ haiñ

    yahāñ bazmeñ sajā.ī haiñ yahāñ dhūmeñ machā.ī haiñ

    tire pahlū meñ kitnī anokhī vārdāteñ haiñ

    tire hoñToñ pe kitnī tabassum-rez bāteñ haiñ

    tire dāman se ham ne qīmtī lamhāt paa.e haiñ

    ḳhulūs-o-unsiyat ke be-bahā jazbāt paa.e haiñ

    tire sāġhar se ham ne faiz ke jur.āt paa.e haiñ

    hamārī fikr ne tujh se rujhānāt paa.e haiñ

    tujhe kar jo paayā hai use ham kho nahīñ sakte

    tire haiñ tere apne haiñ parā.e ho nahīñ sakte

    na.e sāzoñ pe jab tere tarāne gaa.e jā.eñge

    na.e ġhunche tire gulzār meñ jab muskurā.eñge

    na.ī kirnoñ se jab tere darīche jagmagā.eñge

    na.e armān jab tujh meñ na.ī jannat basā.eñge

    na.e sāthī tire āñgan meñ jab dhūmeñ machā.eñge

    to shāyad ham bhī ai schōl tujh ko yaad ā.eñge

    ye maanā zindagī ham ko bahut masrūf kar degī

    hamāre zehn ko duniyā ke andāzoñ se bhar degī

    hazāroñ mas.aloñ par dāvat-e-fikr-o-nazar degī

    ki jab thoḌī mohlat gardish-e-shām-o-sahar degī

    ġham-e-daurāñ se jab bhī fursat-e-yak-lamha pā.eñge

    tirī yādoñ meñ kho jā.eñge ḳhud ko bhuul jā.eñge

    laDakpan ki rafiq ai ham-nawa-e-naghma-e-tifli

    hamari gyarah sala zindagi ki dil-nashin wadi

    hamare zehn ki taKHil ki ehsas ki sathi

    hamare zauq ki rahbar hamari aql ki hadi

    hamare daman-e-afkar par tera hi saya hai

    KHusha school ki hum ne tujhi se faiz paya hai

    hamari dhaDkanen tere hi baam-o-dar mein pinhan hain

    tere mahaul mein hum sab ke mahsusat ghaltan hain

    hamari aarzuen tere dalanon mein raqsan hain

    nuqush-e-ahd-e-rafta tere mathe par numayan hain

    hamare waste tu ek lafani masarrat hai

    hamein school tere zarre zarre se mohabbat hai

    tere aaghosh mein bachpan ke hum ne din bitae hain

    tere aangan mein kitna roe kitna muskurae hain

    yahan masrur aankhon mein nae arman jagae hain

    yahan masum honTon se tarane hum ne gae hain

    tere sae mein bachpan ki suhani yaadgaren hain

    hamare ahd-e-gum-gashta ke lamhon ki qataren hain

    yahan se dosti ki kitni tamiren uThai hain

    rafaqat ki hayat-afroz duniyaen basai hain

    yahan par shoKHiyon ki be-karan maujen bahain hain

    yahan bazmen sajai hain yahan dhumen machai hain

    tere pahlu mein kitni hi anokhi wardaten hain

    tere honTon pe kitni hi tabassum-rez baaten hain

    tere daman se hum ne qimti lamhat pae hain

    KHulus-o-unsiyat ke be-baha jazbaat pae hain

    tere saghar se hum ne faiz ke juraat pae hain

    hamari fikr ne tujh hi se rujhanat pae hain

    tujhe pa kar jo paya hai use hum kho nahin sakte

    tere hain tere apne hain parae ho nahin sakte

    nae sazon pe jab tere tarane gae jaenge

    nae ghunche tere gulzar mein jab muskuraenge

    nai kirnon se jab tere dariche jagmagaenge

    nae arman jab tujh mein nai jannat basaenge

    nae sathi tere aangan mein jab dhumen machaenge

    to shayad hum bhi ai school tujh ko yaad aaenge

    ye mana zindagi hum ko bahut masruf kar degi

    hamare zehn ko duniya ke andazon se bhar degi

    hazaron masalon par dawat-e-fikr-o-nazar degi

    ki jab thoDi si mohlat gardish-e-sham-o-sahar degi

    gham-e-dauran se jab bhi fursat-e-yak-lamha paenge

    teri yaadon mein kho jaenge KHud ko bhul jaenge

    Source:

    • Book : khamoshi bol uthi hai (Pg. 183)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY