amanat-dar

chalo ye bhī kareñ

ham raushnā.ī ko lahū kar ke

sahīfoñ meñ samo deñ

raah ke malboñ se lafzoñ ko uThā kar

jā-e-azmat deñ

lab-e-iz.hār kī quvvat se harf-e-nā-tavāñ ko

āshnā kar deñ

kisī zarre ko chamkā kar siyāhī kā

badan dho deñ

ḳharāsh-ālūda ummīdoñ ke chehroñ ko

jarāhat deñ

na.ī shāḳhoñ ko rang-e-sabz deñ

phūloñ ko rangīnī atā kar deñ

ki ham

taz.īn-kārī kā salīqa le ke aa.e haiñ

amiiñ haiñ kā.enāt-e-māvarā ke ham

chalo ye bhi karen

hum raushnai ko lahu kar ke

sahifon mein samo den

rah ke malbon se lafzon ko uTha kar

ja-e-azmat den

lab-e-izhaar ki quwwat se harf-e-na-tawan ko

aashna kar den

kisi zarre ko chamka kar siyahi ka

badan dho den

KHarash-aluda ummidon ke chehron ko

jarahat den

nai shaKHon ko rang-e-sabz den

phulon ko rangini ata kar den

ki hum

tazin-kari ka saliqa le ke aae hain

amin hain kaenat-e-mawara ke hum