amn ka Damru Dam Dam Dam

aman kā Damrū Dam Dam Dam

chain kī Dholak Dham Dham Dham

aao bajā.eñ tum aur ham

jhūmeñ nācheñ chham chham chham

jab tak apne dam meñ dam

des ye chamke cham cham cham

golī golā aur na bam

aañsū aah na dard-o-alam

dahshat ḳhauf na koī ġham

ḳhushiyāñ barseñ jham jham jham

jhuum ke gaa.eñ ram pam pam

des ye chamke cham cham cham

gautam kī ta.abīr haiñ ham

ḳhvāja kī tafsīr haiñ ham

nānak kī tasvīr haiñ ham

gāñdhī jī kī jāgīr haiñ ham

ham se amn-o-amāñ kā dam

des ye chamke cham cham cham

sukh dukh sab meñ sāthī ham

bāñTeñ ḳhushiyāñ bāñTeñ ġham

kabhī na koī aañkh ho nam

ham ik ik ke haiñ ham-dam

ham se ḳhushiyoñ kī jham jham

des ye chamke cham cham cham

aisā koī kaam kareñ

jag meñ is ko aam kareñ

mehnat sub.h-o-shām kareñ

duniyā bhar meñ naam kareñ

apnā ūñchā ho parcham

des ye chamke cham cham cham

maulā terā rahm-o-karam

is dhartī par ho har dam

rahe hamesha miTTī nam

phuul khilā.e har mausam

sāñseñ mahkeñ chahke dam

des ye chamke cham cham cham

har chehre par phuul khile

har māthe par chāñd uge

aañkh meñ ik ik diip jale

ik ik lab par giit saje

Dhal jaa.e har shām-e-ġham

des ye chamke cham cham cham

nafrat kī dīvār gire

raste se bandūq haTe

kiina ranjish bair miTe

dahshat kā har shor thame

ruk jaa.e ye dham dham dham

des ye chamke cham cham cham

aman ka Damru Dam Dam Dam

chain ki Dholak Dham Dham Dham

aao bajaen tum aur hum

jhumen nachen chham chham chham

jab tak apne dam mein dam

des ye chamke cham cham cham

goli gola aur na bam

aansu aah na dard-o-alam

dahshat KHauf na koi gham

KHushiyan barsen jham jham jham

jhum ke gaen ram pam pam

des ye chamke cham cham cham

gautam ki tabir hain hum

KHwaja ki tafsir hain hum

nanak ki taswir hain hum

gandhi ji ki jagir hain hum

hum se amn-o-aman ka dam

des ye chamke cham cham cham

sukh dukh sab mein sathi hum

banTen KHushiyan banTen gham

kabhi na koi aankh ho nam

hum ek ek ke hain ham-dam

hum se KHushiyon ki jham jham

des ye chamke cham cham cham

aisa koi kaam karen

jag mein is ko aam karen

mehnat subh-o-sham karen

duniya bhar mein nam karen

apna uncha ho parcham

des ye chamke cham cham cham

maula tera rahm-o-karam

is dharti par ho har dam

rahe hamesha miTTi nam

phul khilae har mausam

sansen mahken chahke dam

des ye chamke cham cham cham

har chehre par phul khile

har mathe par chand uge

aankh mein ek ek dip jale

ek ek lab par git saje

Dhal jae har sham-e-gham

des ye chamke cham cham cham

nafrat ki diwar gire

raste se banduq haTe

kina ranjish bair miTe

dahshat ka har shor thame

ruk jae ye dham dham dham

des ye chamke cham cham cham