anar kali

anaar kalī

tere maqbare ke ahāte meñ

kis qadar shor-o-ġhul hai

maiñ jab bhī ḳhud ko tanhā udaas paatī huuñ

aur daftarī chaa.e kaafī se dil bharne lage

aḳhbār bhī almārī ke kone kī zīnat bane

koī kitāb bhī merā dil na bahlā sake

to maiñ apne kamre keī khiḌkī khole

jahāñ se terā maqbara saaf dikhā.ī detā hai

tere baare meñ sochtī huuñ aur

udaas mohabbat bharī dāstān meñ kho jaatī huuñ

maiñ sochtī huuñ ki

tere maqbare ko bhī yahīñ par honā thā

in afsaroñ ke kamroñ aur zehnoñ meñ

filoñ ke sivā kuchh bhī to nahīñ

mohabbat yahāñ aa kar dam toḌ jaatī hai

tere aas paas kis qadar ghuTan hai

terī ḳhushbū kyā kabhī kisī ko aatī hogī

terī dāstāñ kis ko yaad hogī

chaa.e kī mez par

qahqahoñ aur filoñ ke ambār meñ

kaun tārīḳh ke in safhāt ko khañgāltā hogā

kaun suntā hogā terī āhaToñ ke saa.e yahāñ

magar maiñ

aksar apne kamre kī khiḌkī khole

anar kali

tere maqbare ke ahate mein

kis qadar shor-o-ghul hai

main jab bhi KHud ko tanha udas pati hun

aur daftari chae kafi se dil bharne lage

aKHbar bhi almari ke kone ki zinat bane

koi kitab bhi mera dil na bahla sake

to main apne kamre kei khiDki khole

jahan se tera maqbara saf dikhai deta hai

tere bare mein sochti hun aur

udas mohabbat bhari dastan mein kho jati hun

main sochti hun ki

tere maqbare ko bhi yahin par hona tha

in afsaron ke kamron aur zehnon mein

filon ke siwa kuchh bhi to nahin

mohabbat yahan aa kar dam toD jati hai

tere aas pas kis qadar ghuTan hai

teri KHushbu kya kabhi kisi ko aati hogi

teri dastan kis ko yaad hogi

chae ki mez par

qahqahon aur filon ke ambar mein

kaun tariKH ke in safhat ko khangalta hoga

kaun sunta hoga teri aahaTon ke sae yahan

magar main

aksar apne kamre ki khiDki khole