anarchizm

ġhair-fitrī tahaffuz kī majbūriyāñ

aadmī aaj kīḌe-makoḌe kī mānind phir reñgne lag gayā

jin meñ jiine kī kuchh ahliyat hī nahīñ

vo bhī zinda haiñ aur zinda rahne ke haqdār logoñ kā haq khā rahe haiñ

bojh dhartī ke siine kā baḌhtā chalā jā rahā hai

uThā do ye saare qavānīn be-jā zamīnoñ ko āzād kar do

usūl-e-azal aur qānūn-e-fitrat zamīñ par azal hī kī mānind chal jā.egā

zinda rahne kī tāqat tamannā irāda sa.ī

jin meñ hogī vo zinda raheñge

baaqī nākāra mar jā.eñge

bojh dhartī ke siine kā Tal jā.egā

aur phir sāf-suthrī na.ī ḳhūb-sūrat sī duniyā ubhar aa.egī

ghair-fitri tahaffuz ki majburiyan

aadmi aaj kiDe-makoDe ki manind phir rengne lag gaya

jin mein jine ki kuchh ahliyat hi nahin

wo bhi zinda hain aur zinda rahne ke haqdar logon ka haq kha rahe hain

bojh dharti ke sine ka baDhta chala ja raha hai

uTha do ye sare qawanin be-ja zaminon ko aazad kar do

usul-e-azal aur qanun-e-fitrat zamin par azal hi ki manind chal jaega

zinda rahne ki taqat tamanna irada sai

jin mein hogi wo zinda rahenge

baqi nakara mar jaenge

bojh dharti ke sine ka Tal jaega

aur phir saf-suthri nai KHub-surat si duniya ubhar aaegi