andesha

daur-e-māzī kī sunahrī duniyā

jis meñ haq aur sadāqat kī hifāzat ke liye

kabhī maslūb hue

taḳhta-e-dār kabhī

zahr kā jaam kabhī

kabhī koḌoñ kī sazā paa.ī hai

tan-e-nāzuk kabhī sangsār huā

kabhī kāñToñ pe ghasīTā ham ko

āb-e-shamshīr se bhī pyaas bujhā.ī ham ne

aaj maazī kā tasalsul TuuTā

aaj hai zauq-e-shahādat kī kamī

balki fuqdān kaho

aaj eqtidār kī ḳhātir ham ne

apnā maslak bhī badal Daalā hai

rūh-e-insāñ ko kuchal Daalā hai

koī batlā.e hameñ

is kī sazā kyā hogī

daur-e-mazi ki sunahri duniya

jis mein haq aur sadaqat ki hifazat ke liye

kabhi maslub hue

taKHta-e-dar kabhi

zahr ka jam kabhi

kabhi koDon ki saza pai hai

tan-e-nazuk kabhi sangsar hua

kabhi kanTon pe ghasiTa hum ko

aab-e-shamshir se bhi pyas bujhai hum ne

aaj mazi ka tasalsul TuTa

aaj hai zauq-e-shahadat ki kami

balki fuqdan kaho

aaj eqtidar ki KHatir hum ne

apna maslak bhi badal Dala hai

ruh-e-insan ko kuchal Dala hai

koi batlae hamein

is ki saza kya hogi