andher-nagar mein

sāthī haath pe haath dhare ho

kaun sā sapnā dekh rahe ho

kaun sī āshā.eñ haiñ jin se

man hī man meñ khel rahe ho

yaas kī gahrī tārīkī meñ

rah-rah kar palkoñ se apnī

kaise aañsū poñchh rahe ho

dhuñdlī dhuñdlī ye nazreñ haiñ

man ke taar bhī kaañp rahe haiñ

sāthī haath pe haath dhare ho

ġham ke bādal chhaT na sakeñge

raat añdherī yūñhī rahegī

paap ke din bhī kaT na sakeñge

haa.il haiñ ye sañg-e-girāñ jo

raah se ye bhī haT na sakeñge

apne ġham meñ aisā kho.e

TuuT gayā duniyā se naatā

duniyā meñ dukh vaale bhī haiñ

dukh vāloñ ko samjhā hotā

kab sūraj nikle kab chamke

ho jaa.e har-sū ujyārā

jaag uThe sansār hamārā

ye bhī tum ne sochā hotā

koī nahīñ andher-nagar meñ

diip jalā.e man mandir meñ

sathi hath pe hath dhare ho

kaun sa sapna dekh rahe ho

kaun si aashaen hain jin se

man hi man mein khel rahe ho

yas ki gahri tariki mein

rah-rah kar palkon se apni

kaise aansu ponchh rahe ho

dhundli dhundli ye nazren hain

man ke tar bhi kanp rahe hain

sathi hath pe hath dhare ho

gham ke baadal chhaT na sakenge

raat andheri yunhi rahegi

pap ke din bhi kaT na sakenge

hail hain ye sang-e-giran jo

rah se ye bhi haT na sakenge

apne gham mein aisa khoe

TuT gaya duniya se nata

duniya mein dukh wale bhi hain

dukh walon ko samjha hota

kab suraj nikle kab chamke

ho jae har-su ujyara

jag uThe sansar hamara

ye bhi tum ne socha hota

koi nahin andher-nagar mein

dip jalae man mandir mein