apne shahron ke liye dua

pākistān ke saare shahro zinda raho pā.inda raho

raushniyoñ rangoñ kī lahro zinda raho pā.inda raho

bātil se tum kabhī na Darnā

zulm kabhī manzūr na karnā

azmat-o-haibat kī dīvāro zinda raho pā.inda raho

aks paḌeñ jis jagah tumhāre

chamkeñ zamīneñ un kī ziyā se

mere vatan ke chāñd sitāro zinda raho pā.inda raho

mausam aa.eñ guzarte jaa.eñ

tum par rang baraste jaa.eñ

arz-e-ḳhudā pe mahakte bāġho zinda raho pā.inda raho

haq kī razā hai saath tumhāre

merī vafā hai saath tumhāre

na.e ujāloñ ke sar-chashmo zinda raho pā.inda raho

pakistan ke sare shahro zinda raho painda raho

raushniyon rangon ki lahro zinda raho painda raho

baatil se tum kabhi na Darna

zulm kabhi manzur na karna

azmat-o-haibat ki diwaro zinda raho painda raho

aks paDen jis jagah tumhaare

chamken zaminen un ki ziya se

mere watan ke chand sitaro zinda raho painda raho

mausam aaen guzarte jaen

tum par rang baraste jaen

arz-e-KHuda pe mahakte bagho zinda raho painda raho

haq ki raza hai sath tumhaare

meri wafa hai sath tumhaare

nae ujalon ke sar-chashmo zinda raho painda raho