aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ashk mere apne

Darshika wasani

ashk mere apne

Darshika wasani

MORE BYDarshika wasani

    rahī huuñ maiñ

    kar rahī huuñ tumhārā ghar tumhāre havāle

    ḳhālī ho jā.egī har vo jagah

    jo mere ashkoñ se bharī hai abhī

    le jā.ūñgī har ashk apne saath sameT kar

    kuchh gamloñ ke phuul pe

    os se chamak rahe hoñge

    kuchh saj-dhaj ke baiThe hoñge dahlīz pe

    zard the jo kuchh jaane uḌ ke kahāñ gire hoñge

    kuchh miTTī ke andar biij ban kar gire the

    ab vo kyā ban ke uge hoñge

    mere hoñToñ se lipTe the jo

    ab bhī Tañge hoñge vahāñ taale ban kar

    kuchh tumhāre kāñdhe tak pahuñch paane

    jidd-o-jahd meñ juujh rahe hoñge

    kuchh pūjā-ghar ke diye ke saath jal rahe hoñge

    kuchh kitāboñ ke dhule hue shabdoñ

    siyāhī se mile hoñge

    kuchh dhaar ban kar mere kānoñ se guzre hoñge

    pīchhe se bāloñ meñ chhupe hoñge

    kuchh takiye narm ruuī ne chuus liye hoñge

    rasoī ghar bhaap meñ to kuchh

    bartanoñ meñ saḌe paḌe hoñge

    kuchh ma.asūm sahme hue chhup ke baiThe hoñge

    kuchh be-fikr haqīqat se Tahal rahe hoñge

    kuchh būḌhe ashk na.e janmoñ ko aasrā de rahe hoñge

    kuchh tumhārī ḳhidmat se thake

    zamīn pe so rahe hoñge

    tapan se janme kuchh DhūñDh rahe hoñge ThanDak

    kuchh dīvār pe lagī hamārī tasvīr tak rahe hoñge

    bāġhī se kuchh tumheñ chhoḌne zid pe aḌe hoñge

    kuchh terī ek nazar pyaas liye

    nazar-andāz khaḌe hoñge

    kuchh zehn meñ hoñge mere jo bahnā nahīñ jānte

    kuchh hai aise jinheñ Thaharnā nahīñ aatā

    unhīñ piyā hai jiyā hai maiñ ne

    qistoñ meñ mile the mujhe

    ek saath kaise le jā.ūñgī

    āñgan bah jā.egā tumhārā

    rāste bhī ye bahā deñge

    par mere apne hai ye yaqīn hai mujhe

    mere āḳhirī maqām tak pahuñchā deñge

    ja rahi hun main

    kar rahi hun tumhaara ghar tumhaare hawale

    KHali ho jaegi har wo jagah

    jo mere ashkon se bhari hai abhi

    le jaungi har ashk apne sath sameT kar

    kuchh gamlon ke phul pe

    os se chamak rahe honge

    kuchh saj-dhaj ke baiThe honge dahliz pe

    zard the jo kuchh jaane uD ke kahan gire honge

    kuchh miTTi ke andar bij ban kar gire the

    ab wo kya ban ke uge honge

    mere honTon se lipTe the jo

    ab bhi Tange honge wahan tale ban kar

    kuchh tumhaare kandhe tak pahunch pane ki

    jidd-o-jahd mein jujh rahe honge

    kuchh puja-ghar ke diye ke sath jal rahe honge

    kuchh kitabon ke dhule hue shabdon ki

    siyahi se ja mile honge

    kuchh dhaar ban kar mere kanon se guzre honge

    pichhe se baalon mein ja chhupe honge

    kuchh takiye ki narm rui ne chus liye honge

    rasoi ghar ki bhap mein to kuchh

    bartanon mein saDe paDe honge

    kuchh masum sahme hue chhup ke baiThe honge

    kuchh be-fikr haqiqat se Tahal rahe honge

    kuchh buDhe ashk nae janmon ko aasra de rahe honge

    kuchh tumhaari KHidmat se thake

    zamin pe so rahe honge

    tapan se janme kuchh DhunDh rahe honge ThanDak si

    kuchh diwar pe lagi hamari taswir tak rahe honge

    baghi se kuchh tumhein chhoDne ki zid pe aDe honge

    kuchh teri ek nazar ki pyas liye

    nazar-andaz khaDe honge

    kuchh zehn mein honge mere jo bahna nahin jaante

    kuchh hai aise jinhen Thaharna nahin aata

    unhin piya hai jiya hai main ne

    qiston mein mile the mujhe

    ek sath kaise le jaungi

    aangan bah jaega tumhaara

    raste bhi ye baha denge

    par mere apne hai ye yaqin hai mujhe

    mere aaKHiri maqam tak pahuncha denge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now