atlantic city

zamīn-e-nūr o naġhma par

ḳhudā-e-rañg ke bikhre hue jalvaoñ ko pahchāneñ

use samjheñ. use jāneñ

yaqīñ aa jaa.e to māneñ

yahāñ to kahkashāñ muTThī meñ hai

lāl-o-javāhir pairahan par haiñ shuāoñ ke ka.ī dhabbe har ik ujle badan par haiñ

yahāñ rañgīñ mashīneñ dā.eroñ meñ jhuk ke miltī haiñ

kisī se ruuTh jaate haiñ kisī ke saath chalte haiñ

yahāñ ke sāmrī goyā.ī le lete haiñ

aur palkoñ pe hairat ke darīche khol dete haiñ

yahāñ har naf.a ke ḳhāne meñ poshīda ḳhasāra hai

fusūñ kam ho to phir bāhar kā har manzar hamārā hai

jise ham chāñd samjhe haiñ bhaTaktā sā sitāra hai

yahī sūraj se jiitā hai yahī jugnū se haarā hai

ye fitrat kā ishāra hai

chalo tanvīr-shāh! uTTho

zamin-e-nur o naghma par

KHuda-e-rang ke bikhre hue jalwaon ko pahchanen

use samjhen use jaanen

yaqin aa jae to manen

yahan to kahkashan muTThi mein hai

lal-o-jawahir pairahan par hain shuaon ke kai dhabbe har ek ujle badan par hain

yahan rangin mashinen daeron mein jhuk ke milti hain

kisi se ruTh jate hain kisi ke sath chalte hain

yahan ke samri goyai le lete hain

aur palkon pe hairat ke dariche khol dete hain

yahan har nafa ke KHane mein poshida KHasara hai

fusun kam ho to phir bahar ka har manzar hamara hai

jise hum chand samjhe hain bhaTakta sa sitara hai

yahi suraj se jita hai yahi jugnu se haara hai

ye fitrat ka ishaara hai

chalo tanwir-shah! uTTho