Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

auqat

Adnan Mohsin

auqat

Adnan Mohsin

MORE BYAdnan Mohsin

    dimāġhoñ meñ pakte hue garm laave ke aage

    tamanche se ugle hue garm sayyāl siise auqāt kyā hai

    zabānoñ pe khilte hue aql-o-dānish ke phūloñ pe

    ġhurrāhaToñ garaj meñ barastī huī gāliyāñ

    apnī lāya.aniyat jāntī haiñ

    gul-ruḳhoñ pe ye zanjīr-o-āhan se Dhaa.e ga.e

    sab sitam apnī nā-pā.edārī pe mātam-kunāñ haiñ

    udhaḌtī huī jild jismoñ se

    nāḳhun laraztī huī uñgliyoñ se

    sar āshuftagāñ Dhalaktī huī gardanoñ se

    utarte haiñ lekin uluum aur qalam jāvedāñ haiñ

    zamānoñ uḌtī huī raakh meñ

    hurriyat ke tarānoñ ḳhushbū basī hai

    vahī sab tarāne jinheñ gaane vāloñ ko

    dahkī huī bhaTTiyoñ meñ jalāyā gayā thā

    vo dīvāngī ke payambar

    manoñ ḳhaak oḌhe hue jāgte haiñ

    jinheñ sach ke parchār ke jurm meñ

    zahr-pyāla pilāyā gayā thā

    fasīloñ se shab ke añdhere meñ

    pheñkī ga.ī masḳh lāshoñ Dar

    ūd-o-ambar se mahkī masahrī pe

    bechain karvaT badalte hue

    shaah aañkh meñ jāgtā hai

    dimaghon mein pakte hue garm lawe ke aage

    tamanche se ugle hue garm sayyal sise ki auqat kya hai

    zabanon pe khilte hue aql-o-danish ke phulon pe

    ghurrahaTon ki garaj mein barasti hui galiyan

    apni layaniyat jaanti hain

    gul-ruKHon pe ye zanjir-o-ahan se Dhae gae

    sab sitam apni na-paedari pe matam-kunan hain

    udhaDti hui jild jismon se

    naKHun larazti hui ungliyon se

    sar aashuftagan ki Dhalakti hui gardanon se

    utarte hain lekin ulum aur qalam jawedan hain

    zamanon ki uDti hui rakh mein

    hurriyat ke taranon ki KHushbu basi hai

    wahi sab tarane jinhen gane walon ko

    dahki hui bhaTTiyon mein jalaya gaya tha

    wo diwangi ke payambar

    manon KHak oDhe hue jagte hain

    jinhen sach ke parchaar ke jurm mein

    zahr-pyala pilaya gaya tha

    fasilon se shab ke andhere mein

    phenki gai masKH lashon ka Dar

    ud-o-ambar se mahki masahri pe

    bechain karwaT badalte hue

    shah ki aankh mein jagta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now