aur socha karte hain
be-dhyān lamhoñ ke
be-yaqīn āñgan meñ
koī biij chāhat kā
kaise phuuT aatā hai
ik yaqīñ kī koñpal se
kaise saikḌoñ shāḳheñ
tan meñ phuul jaatī haiñ
kuchh samajh nahīñ aatā
do hatheliyāñ kaise
ek jaisī sochoñ meñ
mom sī pighaltī haiñ
aag sī sulagtī haiñ
aur ḳhabar nahīñ hotī
koī shoḳh sī vahshat
aatī jaatī sāñsoñ meñ
khilkhilā ke hañstī hai
ek dard kī rāhat
pāyaloñ ko chhankātī
ek aag bhaḌkātī
saath saath chaltī hai
chāhatoñ ke āñgan se
hosh ke kivāḌoñ tak
aag phail jaatī hai
aag phail jaatī hai
tab dhiyān aatā hai
ek jaisī sochoñ meñ
mom se pighalte do
haath raakh hote haiñ
tab ḳhayāl aatā hai
saiñt saiñt rakhte haiñ
raakh chand lamhoñ kī
aur sochā karte haiñ
shoḳh sī jo vahshat thī
jaane vo mohabbat thī
raakh jo baTorī hai
jaane ye mohabbat hai
be-dhyan lamhon ke
be-yaqin aangan mein
koi bij chahat ka
kaise phuT aata hai
ek yaqin ki konpal se
kaise saikDon shaKHen
tan mein phul jati hain
kuchh samajh nahin aata
do hatheliyan kaise
ek jaisi sochon mein
mom si pighalti hain
aag si sulagti hain
aur KHabar nahin hoti
koi shoKH si wahshat
aati jati sanson mein
khilkhila ke hansti hai
ek dard ki rahat
payalon ko chhankati
ek aag bhaDkati
sath sath chalti hai
chahaton ke aangan se
hosh ke kiwaDon tak
aag phail jati hai
aag phail jati hai
tab dhiyan aata hai
ek jaisi sochon mein
mom se pighalte do
hath rakh hote hain
tab KHayal aata hai
saint saint rakhte hain
rakh chand lamhon ki
aur socha karte hain
shoKH si jo wahshat thi
jaane wo mohabbat thi
rakh jo baTori hai
jaane ye mohabbat hai
Source:
Aadhi Gawahi (Pg. 84)
- Author: Naseem Syed
-
- Publisher: Irtiqa Matbuat, Karachi
- Year of Publication: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
