awadh ka chand

avadh meñ chāñd jo rahtā hai ḳhūb-sūrat hai

ḳhudā kā shukr hai ab tak sahī-salāmat hai

usī ke naam se mansūb zindagī hai mirī

usī kī ḳhushiyoñ meñ poshīda har ḳhushī hai mirī

usī se milne ke ḳhātir maiñ jī rahā huuñ abhī

ġham-e-firāq kā ye zahr pī rahā huuñ abhī

vahī hai merā qasīda vahī hai merī ġhazal

maiñ us ko pyaar se kahtā huuñ zindagī kā kañval

vo mujh se duur hai phir bhī mirī zarūrat hai

jo zaḳhm maiñ ne mohabbat ke badle paayā hai

yahī hai 'ishq kā hāsil yahī kamāyā hai

vafā ḳhulūs muravvat nibhā.e jā.uñgā

hamesha giit mohabbat ke gungunā.uñgā

vo chāñd hai to mirā dard bhī to samjhegā

vo mere dil kisī din zarūr utregā

milūñgā us se maiñ ik din yahī haqīqat hai

vo chāñd jis ne banāyā hai mujh ko dīvāna

vo chand jis ne mujhe kar diyā hai begāna

maiñ apne chāñd pe ye apnī jaan vāruñgā

falak se ek na ik din use utārūñgā

jahān-e-'ishq meñ ye 'umr sarfarāz rahe

vo mere dil meñ hamesha ba-husn-o-nāz rahe

vo merī pahlī mohabbat mirī masarrat hai

awadh mein chand jo rahta hai KHub-surat hai

KHuda ka shukr hai ab tak sahi-salamat hai

usi ke nam se mansub zindagi hai meri

usi ki KHushiyon mein poshida har KHushi hai meri

usi se milne ke KHatir main ji raha hun abhi

gham-e-firaq ka ye zahr pi raha hun abhi

wahi hai mera qasida wahi hai meri ghazal

main us ko pyar se kahta hun zindagi ka kanwal

wo mujh se dur hai phir bhi meri zarurat hai

jo zaKHm main ne mohabbat ke badle paya hai

yahi hai 'ishq ka hasil yahi kamaya hai

wafa KHulus murawwat nibhae jaunga

hamesha git mohabbat ke gungunaunga

wo chand hai to mera dard bhi to samjhega

wo mere dil kisi din zarur utrega

milunga us se main ek din yahi haqiqat hai

wo chand jis ne banaya hai mujh ko diwana

wo chand jis ne mujhe kar diya hai begana

main apne chand pe ye apni jaan warunga

falak se ek na ek din use utarunga

jahan-e-'ishq mein ye 'umr sarfaraaz rahe

wo mere dil mein hamesha ba-husn-o-naz rahe

wo meri pahli mohabbat meri masarrat hai