azal-ta-abad

Bashar Nawaz

azal-ta-abad

Bashar Nawaz

MORE BYBashar Nawaz

    ufuq-tā-ufuq ye dhundalke aalam

    ye had-e-nazar tak

    nam-ālūd ret narm qālīñ ki jis par

    samundar chanchal javāñ beTiyoñ ne

    kisī naqsh-e-pā ko bhī na chhoḌā

    fazā apne dāman meñ bojhal ḳhamoshī sameTe hai lekin

    machaltī huī mast lahroñ ke hoñToñ pe naġhma hai raqsāñ

    ye naġhma sunā thā mujhe yaad aatā nahīñ kab

    magar haañ

    bas ehsās hai is qadar qarna-hā qarn pahle

    ki ginnā bhī chāhe to koī jinheñ gin na paa.e

    bhalā reg-e-sāhil ke phaile hue nanhe zarroñ ko koī kahāñ tak gine

    machaltī huī mast lahroñ ko sāhil se chhuTne ġham nahīñ hai

    vidā-e-sukūñ jaise koī sitam nahīñ hai

    jise qarna-hā-qarn pahle bhī maiñ ne sunā thā

    jise log sūraj ke bujhne talak yūñhī sunte raheñge

    ufuq-ta-ufuq ye dhundalke ka aalam

    ye had-e-nazar tak

    nam-alud si ret ka narm qalin ki jis par

    samundar ki chanchal jawan beTiyon ne

    kisi naqsh-e-pa ko bhi na chhoDa

    faza apne daman mein bojhal KHamoshi sameTe hai lekin

    machalti hui mast lahron ke honTon pe naghma hai raqsan

    ye naghma suna tha mujhe yaad aata nahin kab

    magar han

    bas ehsas hai is qadar qarna-ha qarn pahle

    ki ginna bhi chahe to koi jinhen gin na pae

    bhala reg-e-sahil ke phaile hue nanhe zarron ko koi kahan tak gine

    machalti hui mast lahron ko sahil se chhuTne ka gham hi nahin hai

    wida-e-sukun jaise koi sitam hi nahin hai

    jise qarna-ha-qarn pahle bhi main ne suna tha

    jise log suraj ke bujhne talak yunhi sunte rahenge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY