babu subhash chandr bose ke nam

āzādī-e-vatan ke mujāhid subhāsh bose

jantā ko tujh pe faḳhr hai bhārat ko naaz hai

tū rakh ke jaañ hathelī pe bahr-e-vatan gayā

jur.at pe terī mulk kī azmat ko naaz hai

ahl-e-vatan bhulā na sakeñge kabhī tujhe

azm-o-amal pe tere shujā.at ko naaz hai

umr-e-tavīl de tujhe haq se hai ye duā

allāh aur hausla terā kare buland

tujh āshiq-e-vatan pe siyāsat ko naaz hai

āzād hind fauj ke aalī commander

baabū subhāsh bose pe bhārat ko naaz hai

āzādī-e-vatan ke mujāhid ḳhudā kare

allāh tujh ko ġhaib se tāqat atā kare

aazadi-e-watan ke mujahid subhash bose

janta ko tujh pe faKHr hai bhaarat ko naz hai

tu rakh ke jaan hatheli pe bahr-e-watan gaya

jurat pe teri mulk ki azmat ko naz hai

ahl-e-watan bhula na sakenge kabhi tujhe

azm-o-amal pe tere shujaat ko naz hai

umr-e-tawil de tujhe haq se hai ye dua

allah aur hausla tera kare buland

tujh aashiq-e-watan pe siyasat ko naz hai

aazad hind fauj ke aali commander

babu subhash bose pe bhaarat ko naz hai

aazadi-e-watan ke mujahid KHuda kare

allah tujh ko ghaib se taqat ata kare