baad-e-KHizan ko kya parwa hai

october hai

kohre kī ik mailī chādar tanī huī hai

apne ghar meñ baiThā maiñ khiḌkī se bāhar dekh rahā huuñ

bāhar saare peḌ

darīda piile yarqānī pattoñ ke

maT-maile malbūs meñ lipTe nisf barahna

bād-e-ḳhizāñ se ulajh rahe haiñ

harf harf pattoñ kā abjad

patjhaḌ kī be-rahm havā ko sauñp rahe haiñ

maiñ bhī alif se chaltā chaltā

ab yā-e-mārūf pe paañv Tikā kar baiThā

ek qadam aage maj.hūl ko dekh rahā huuñ

nañge bachche dīmak chāTe

umr rasīda peḌ bhī apnā abjad kho kar

barf kā bojh nahīñ sah paate gir jaate haiñ

october se chal kar maiñ bhī

apne abjad kī qutbīnī ye kī yaḳh-basta chaukhaT par

jūñhī shikasta paañv rakhūñgā gir jā.ūñgā

bād-e-ḳhizāñ ko kyā parvā hai

us ko to peḌoñ ko girānā hī aatā hai

october hai

kohre ki ek maili chadar tani hui hai

apne ghar mein baiTha main khiDki se bahar dekh raha hun

bahar sare peD

darida pile yarqani patton ke

maT-maile malbus mein lipTe nisf barahna

baad-e-KHizan se ulajh rahe hain

harf harf patton ka abjad

patjhaD ki be-rahm hawa ko saunp rahe hain

main bhi alif se chalta chalta

ab ya-e-maruf pe panw Tika kar baiTha

ek qadam aage majhul ko dekh raha hun

nange bachche dimak chaTe

umr rasida peD bhi apna abjad kho kar

barf ka bojh nahin sah pate gir jate hain

october se chal kar main bhi

apne abjad ki qutbini ye ki yaKH-basta chaukhaT par

junhi shikasta panw rakhunga gir jaunga

baad-e-KHizan ko kya parwa hai

us ko to peDon ko girana hi aata hai