Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baada-e-nim-ras

Saifuddin Saif

baada-e-nim-ras

Saifuddin Saif

MORE BYSaifuddin Saif

    kis qayāmat tabassum hai tire hoñToñ par

    isti.āroñ meñ bhaTakte haiñ ḳhayālāt mire

    maiñ ki har saañs ko ik sher banā saktā huuñ

    nazm hone ko pareshān haiñ jazbāt mire

    aañkh jamtī nahīñ lahrāte hue qadmoñ par

    kisī naġhme talātum hai ki raftār tirī

    raqs añgḌā.iyāñ letā hai tirī bāñhoñ meñ

    hairat-āsār hai kyoñ chashm-e-fusūñ-bār tirī

    be-ḳhayālī meñ nasheboñ se guzarne vaalī

    farsh-e-hamvār se uljheñge qadam rah rah kar

    lab thirak jā.eñge alfāz mausīqī par

    apnī raftār se uljheñge qadam rah rah kar

    dekhte dekhte bharpūr javānī hayā

    terī bebāk nigāhoñ meñ samā jā.egī

    parda-e-chashm se nikleñgī jhijak kar nazreñ

    zulf Dartī huī ruḳhsār pe lahrā.egī

    jism har-gām pe laġhzish ishāra kar

    jām-e-labrez mānind chhalak jā.egā

    reshmīñ reshmīñ zulfoñ se phisaltā āñchal

    kabhī shānoñ se kabhī sar se Dhalak jā.egā

    tere chehre pe tire jism ke har goshe par

    abhī ik aur jilā aur tarāsh aa.egī

    apne a.azā ke tanāsub pe ta.ajjub hogā

    pesh-e-ā.īna guzartī huī sharmā.egī

    yuuñ tirī chaal meñ aa.egā javānī vaqār

    jaise martūb fazāoñ meñ ghaTā jhūmtī hai

    jis tarah shaam ko sandal ke ghane jangal meñ

    apnī ḳhushbū se girāñ-bār havā jhūmtī hai

    kis qayamat ka tabassum hai tere honTon par

    istiaron mein bhaTakte hain KHayalat mere

    main ki har sans ko ek sher bana sakta hun

    nazm hone ko pareshan hain jazbaat mere

    aankh jamti nahin lahraate hue qadmon par

    kisi naghme ka talatum hai ki raftar teri

    raqs angDaiyan leta hai teri banhon mein

    hairat-asar hai kyon chashm-e-fusun-bar teri

    be-KHayali mein nashebon se guzarne wali

    farsh-e-hamwar se uljhenge qadam rah rah kar

    lab thirak jaenge alfaz ki mausiqi par

    apni raftar se uljhenge qadam rah rah kar

    dekhte dekhte bharpur jawani ki haya

    teri bebak nigahon mein sama jaegi

    parda-e-chashm se niklengi jhijak kar nazren

    zulf Darti hui ruKHsar pe lahraegi

    jism har-gam pe laghzish ka ishaara pa kar

    jam-e-labrez ki manind chhalak jaega

    reshmin reshmin zulfon se phisalta aanchal

    kabhi shanon se kabhi sar se Dhalak jaega

    tere chehre pe tere jism ke har goshe par

    abhi ek aur jila aur tarash aaegi

    apne aaza ke tanasub pe tajjub hoga

    pesh-e-aina guzarti hui sharmaegi

    yun teri chaal mein aaega jawani ka waqar

    jaise martub fazaon mein ghaTa jhumti hai

    jis tarah sham ko sandal ke ghane jangal mein

    apni KHushbu se giran-bar hawa jhumti hai

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now