baadal

MORE BYNoon Meem Rashid

    Interesting Fact

    Sonnet

    chhā.e hue haiñ chaar taraf pāra-hā-e-abr

    āġhosh meñ liye hue duniyā-e-āb-o-rañg

    mere liye hai un garaj meñ surūd-o-chañg

    paiġhām-e-imbisāt hai mujh ko sadā-e-abr

    uTThī hai halke halke suroñ meñ navā-e-abr

    aur qatr-hā-e-āb bajāte haiñ jal-tarañg

    gahrā.iyoñ meñ ruuh jaagī hai har umañg

    dil meñ utar rahe haiñ mire naġhm-hā-e-abr

    muddat se luT chuke the tamannā ke bār-o-barg

    chhāyā huā thā ruuh pe goyā sukūt-e-marg

    chhoḌā hai aaj ziist ko ḳhvāb-e-jumūd ne

    un bādaloñ se taaza huī hai hayāt phir

    mere liye javān hai ye kā.enāt phir

    shādāb kar diyā hai dil un ke surūd ne!

    chhae hue hain chaar taraf para-ha-e-abr

    aaghosh mein liye hue duniya-e-ab-o-rang

    mere liye hai un ki garaj mein surud-o-chang

    paigham-e-imbisat hai mujh ko sada-e-abr

    uTThi hai halke halke suron mein nawa-e-abr

    aur qatr-ha-e-ab bajate hain jal-tarang

    gahraiyon mein ruh ki jagi hai har umang

    dil mein utar rahe hain mere naghm-ha-e-abr

    muddat se luT chuke the tamanna ke bar-o-barg

    chhaya hua tha ruh pe goya sukut-e-marg

    chhoDa hai aaj zist ko KHwab-e-jumud ne

    un baadalon se taza hui hai hayat phir

    mere liye jawan hai ye kaenat phir

    shadab kar diya hai dil un ke surud ne!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY