bakira

Fahmida Riaz

bakira

Fahmida Riaz

MORE BYFahmida Riaz

    āsmāñ tapte hue lohe mānind safed

    reg sūkhī huī pyāse zabāñ mānind

    pyaas hulqūm meñ hai jism meñ hai jaan meñ hai

    sar-ba-zānū huuñ jhulaste hue registāñ meñ

    terī sarkār meñ le aa.ī huuñ ye vahsh zabīh!

    mujh pe lāzim thī jo qurbānī vo maiñ ne kar

    us ublī huī āñkhoñ meñ abhī tak hai chamak

    aur siyah-bāl haiñ bhīge hue ḳhuuñ se ab tak

    terā farmān ye thā us pe koī daaġh na ho

    so ye be-aib achhūtā bhī thā an-dekhā bhī

    be-karāñ reg meñ sab garm lahū jazb huā

    dekh chādar pe mirī sabt hai us dhabbā

    ai ḳhudā-vand-e-kabīr

    ai jabbār!

    mutakabbir o jalīl!

    haañ tire naam paḌhe aur kiyā zab.h use

    ab koī pāra-e-abr aa.e kahīñ saayā ho

    ai ḳhudā-vand-e-azīm

    bād-e-taskīñ! ke nafas aag banā jaatā hai!

    qatra-e-āb ki jaañ lab pe chalī aa.ī hai

    aasman tapte hue lohe ki manind safed

    reg sukhi hui pyase ki zaban ki manind

    pyas hulqum mein hai jism mein hai jaan mein hai

    sar-ba-zanu hun jhulaste hue registan mein

    teri sarkar mein le aai hun ye wahsh zabih!

    mujh pe lazim thi jo qurbani wo main ne kar di

    us ki ubli hui aankhon mein abhi tak hai chamak

    aur siyah-baal hain bhige hue KHun se ab tak

    tera farman ye tha us pe koi dagh na ho

    so ye be-aib achhuta bhi tha an-dekha bhi

    be-karan reg mein sab garm lahu jazb hua

    dekh chadar pe meri sabt hai us ka dhabba

    ai KHuda-wand-e-kabir

    ai jabbar!

    mutakabbir o jalil!

    han tere nam paDhe aur kiya zabh use

    ab koi para-e-abr aae kahin saya ho

    ai KHuda-wand-e-azim

    baad-e-taskin! ke nafas aag bana jata hai!

    qatra-e-ab ki jaan lab pe chali aai hai

    RECITATIONS

    Fahmida Riaz

    Fahmida Riaz

    Fahmida Riaz

    bakira Fahmida Riaz

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY