barish aur baadal

kal shaam mujhe bārish milī

baaġh meñ rotī huī

us kī siskiyāñ daraḳhtoñ kī

shāḳhoñ par aTkī thiiñ

vo bādal kā ghar chhoḌ aa.ī thī

maiñ ne use ta.assuf se dekhā

raat ko mere kamre kī khiḌkī par

bikhre bāloñ vaale

pareshān bādal ne dastak dī

vo chāñdnī kā ek TukḌā

haath meñ le kar

bārish ko DhūñD rahā thā

maiñ ne khiḌkī pe bahte

bārish ke āñsuoñ kī samt ishāra kiyā

mohabbat ke āsmān par bichhaḌne vāloñ ko

zamīn bhī panāh nahīñ detī

is liye haath chhuḌāne se pahle

ye baat dhyān meñ rakhnā

mohabbat meñ judā.ī dā.imī hotī hai

kal sham mujhe barish mili

bagh mein roti hui

us ki siskiyan daraKHton ki

shaKHon par aTki thin

wo baadal ka ghar chhoD aai thi

main ne use tassuf se dekha

raat ko mere kamre ki khiDki par

bikhre baalon wale

pareshan baadal ne dastak di

wo chandni ka ek TukDa

hath mein le kar

barish ko DhunD raha tha

main ne khiDki pe bahte

barish ke aansuon ki samt ishaara kiya

mohabbat ke aasman par bichhaDne walon ko

zamin bhi panah nahin deti

is liye hath chhuDane se pahle

ye baat dhyan mein rakhna

mohabbat mein judai daimi hoti hai