baat ka dusra ruKH

raushnī raushnī

raushnī har taraf

raushnī se kaho

chhoḌ jaa.e mujhe

vaqt kā kārvāñ jā rahā hai magar

abhī saath le kar na jaa.e mujhe

mirī aarzū hai ki tū bhī kabhī

dil kī jānib vo rasta sujhā.e mujhe

mirī raushnī ko mire nuur ko

merī āñkhoñ se le kar dikhā.e mujhe

zulmat-o-maut kī vādiyoñ meñ kabhī

añdheroñ kī ḳhātir luTā.e mujhe

raat kā dūsrā ruḳh jo dekhā nahīñ

chāñd kī dūsrī samt bhī hai tirī

kabhī us se bhī to milā.e mujhe

zindagī zindagī

zindagī har taraf

zindagī se kaho

chhoḌ jaa.e mujhe

raushni raushni

raushni har taraf

raushni se kaho

chhoD jae mujhe

waqt ka karwan ja raha hai magar

abhi sath le kar na jae mujhe

meri aarzu hai ki tu bhi kabhi

dil ki jaanib wo rasta sujhae mujhe

meri raushni ko mere nur ko

meri aankhon se le kar dikhae mujhe

zulmat-o-maut ki wadiyon mein kabhi

andheron ki KHatir luTae mujhe

raat ka dusra ruKH jo dekha nahin

chand ki dusri samt bhi hai teri

kabhi us se bhi to milae mujhe

zindagi zindagi

zindagi har taraf

zindagi se kaho

chhoD jae mujhe