bablu ka git school jaane se pahle

apne baḌhte hue bāloñ ko kaTā luuñ to chalūñ

ġhusl-ḳhāne meñ zarā dhuum machā luuñ to chalūñ

aur ek cake mazedār sā khā luuñ to chalūñ

abhī chaltā huuñ zarā pyaas bujhā luuñ to chalūñ

raat meñ ik baḌā dilchasp tamāshā dekhā

mujh se mat pūchh mire yaar ki kyā kyā dekhā

Thiik kahte ho madhur sā koī sapnā dekhā

aañkh to mal luuñ zarā hosh meñ aa luuñ to chalūñ

maiñ thakā-hārā thā itne meñ madārī aayā

us ne kuchh paḌh ke mire sar ko zarā sahlāyā

maiñ ne ḳhud ko kisī rangīn mahal meñ paayā

aise do-chār mahal aur banā luuñ to chalūñ

jaane kyā baat hai baajī ko jo hai mujh se jalan

sab se kahtī haiñ ki is lauñDe ke bigḌe haiñ chalan

mujh ko piiTā to mirā ashkoñ se bhīgā dāman

apne bhīge hue dāman ko sukhā luuñ to chalūñ

merī āñkhoñ meñ abhī tak hai sharārat kā ġhurūr

apnī dānā.ī kā ya.anī ki himāqat kā ġhurūr

dost kahte haiñ ise to hai zehānat kā ġhurūr

aise vahmoñ se abhī ḳhud ko nikālūñ to chalūñ

apne baDhte hue baalon ko kaTa lun to chalun

ghusl-KHane mein zara dhum macha lun to chalun

aur ek cake mazedar sa kha lun to chalun

abhi chalta hun zara pyas bujha lun to chalun

raat mein ek baDa dilchasp tamasha dekha

mujh se mat puchh mere yar ki kya kya dekha

Thik kahte ho madhur sa koi sapna dekha

aankh to mal lun zara hosh mein aa lun to chalun

main thaka-haara tha itne mein madari aaya

us ne kuchh paDh ke mere sar ko zara sahlaya

main ne KHud ko kisi rangin mahal mein paya

aise do-chaar mahal aur bana lun to chalun

jaane kya baat hai baji ko jo hai mujh se jalan

sab se kahti hain ki is launDe ke bigDe hain chalan

mujh ko piTa to mera ashkon se bhiga daman

apne bhige hue daman ko sukha lun to chalun

meri aankhon mein abhi tak hai shararat ka ghurur

apni danai ka yani ki himaqat ka ghurur

dost kahte hain ise to hai zehanat ka ghurur

aise wahmon se abhi KHud ko nikalun to chalun