aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baDe naz se aaj ubhra hai suraj

Moin Ahsan Jazbi

baDe naz se aaj ubhra hai suraj

Moin Ahsan Jazbi

MORE BYMoin Ahsan Jazbi

    Interesting Fact

    15/august 1947

    baḌe naaz se aaj ubhrā hai sūraj

    himāla ke ūñche kalas jagmagā.e

    pahāḌoñ ke chashmoñ ko sonā banāyā

    na.e bil na.e zor in ko sikhā.e

    libās-e-zarī ābshāroñ ne paayā

    nashebī zamīnoñ pe chhīñTe uḌaa.e

    ghane ūñche ūñche daraḳhtoñ manzar

    ye haiñ aaj sab āb-e-zar meñ nahā.e

    magar in daraḳhtoñ ke saa.e meñ ai dil

    hazāroñ baras ke ye ThiThure se paude

    hazāroñ baras ke ye simTe se paude

    ye haiñ aaj bhī sard behāl be-dam

    ye haiñ aaj bhī apne sar ko jhukā.e

    are o na.ī shaan ke mere sūraj

    tirī aab meñ aur bhī taab aa.e

    tire paas aisī bhī koī kiran hai

    jo aise daraḳhtoñ meñ bhī raah paa.e

    jo Thahre huoñ ko jo simTe huoñ ko

    harārat bhī baḳhshe gale bhī lagā.e

    baḌe naaz se aaj ubhrā hai sūraj

    himāla ke ūñche kalas jagmagā.e

    fazāoñ meñ hone lagī bārish-e-zar

    koī nāznīñ jaise afshāñ chhuḌā.e

    damakne lage yuuñ ḳhalāoñ ke zarre

    ki tāroñ duniyā ko bhī rashk aa.e

    hamāre uqāboñ ne añgḌā.iyāñ liiñ

    sunahrī havāoñ meñ par phaḌphaḌā.e

    fuzūñ-tar huā nashsha-e-kāmrānī

    tajassus āñkhoñ meñ Dore se aa.e

    qadam chūmne barq-o-bād āb-o-ātish

    ba-sad-shauq dauḌe ba-sad-ijz aa.e

    magar barq o ātish ke saa.e meñ ai dil

    ye sadiyoñ ke ḳhud-rafta nāshād taa.ir

    ye sadiyoñ ke par-basta barbād taa.ir

    ye haiñ aaj bhī muzmahil dil-girafta

    ye haiñ aaj bhī apne sar ko chhupā.e

    are o na.ī shaan ke mere sūraj

    tirī aab meñ aur bhī taab aa.e

    tire paas aisī bhī koī kiran hai

    unheñ panja-e-tez se jo bachā.e

    inheñ jo na.e bāl-o-par aa ke baḳhshe

    inheñ jo na.e sir se uḌnā sikhā.e

    baDe naz se aaj ubhra hai suraj

    himala ke unche kalas jagmagae

    pahaDon ke chashmon ko sona banaya

    nae bil nae zor in ko sikhae

    libas-e-zari aabshaaron ne paya

    nashebi zaminon pe chhinTe uDae

    ghane unche unche daraKHton ka manzar

    ye hain aaj sab aab-e-zar mein nahae

    magar in daraKHton ke sae mein ai dil

    hazaron baras ke ye ThiThure se paude

    hazaron baras ke ye simTe se paude

    ye hain aaj bhi sard behaal be-dam

    ye hain aaj bhi apne sar ko jhukae

    are o nai shan ke mere suraj

    teri aab mein aur bhi tab aae

    tere pas aisi bhi koi kiran hai

    jo aise daraKHton mein bhi rah pae

    jo Thahre huon ko jo simTe huon ko

    hararat bhi baKHshe gale bhi lagae

    baDe naz se aaj ubhra hai suraj

    himala ke unche kalas jagmagae

    fazaon mein hone lagi barish-e-zar

    koi naznin jaise afshan chhuDae

    damakne lage yun KHalaon ke zarre

    ki taron ki duniya ko bhi rashk aae

    hamare uqabon ne angDaiyan lin

    sunahri hawaon mein par phaDphaDae

    fuzun-tar hua nashsha-e-kaamrani

    tajassus ki aankhon mein Dore se aae

    qadam chumne barq-o-baad aab-o-atish

    ba-sad-shauq dauDe ba-sad-ijz aae

    magar barq o aatish ke sae mein ai dil

    ye sadiyon ke KHud-rafta nashad tair

    ye sadiyon ke par-basta barbaad tair

    ye hain aaj bhi muzmahil dil-girafta

    ye hain aaj bhi apne sar ko chhupae

    are o nai shan ke mere suraj

    teri aab mein aur bhi tab aae

    tere pas aisi bhi koi kiran hai

    unhen panja-e-tez se jo bachae

    inhen jo nae baal-o-par aa ke baKHshe

    inhen jo nae sir se uDna sikhae

    Source:

    Kulliyat-e-Jazbi (Pg. 126)

    • Author: Moeen  Ahsan Jazbi
      • Edition: 2007
      • Publisher: Fareed Book Depot (p) Ltd
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now