badnam ho raha hun

Akhtar Shirani

badnam ho raha hun

Akhtar Shirani

MORE BYAkhtar Shirani

    INTERESTING FACT

    The famous researcher and scholar Maulana Mahmood Sherani once went to Hyderabad, Deccan, where, at a function, a man said to him: I like one of your poems very much. To which the Maulana asked, 'Which poem, brother?' The one which has the line, 'Basti ki laDkiyon mein badnaam ho rha huun (I am becoming notorious among the girls of the town)', the man replied. Maulana, after heeding to it, took a deep sigh and dejectedly answered, 'This poem is not mine, it is written by my mindless son Akhtar Sherani, he is merely becoming notorious, while I am disgraced by his deeds'.

    faryādī-e-jafā-e-ayyām ho rahā huuñ

    pāmāl-e-jaur-e-baḳht-e-nākām ho rahā huuñ

    sargashta-e-ḳhayāl-e-anjām ho rahā huuñ

    bastī laḌkiyoñ meñ badnām ho rahā huuñ

    bad-nām ho rahā huuñ

    salmā se dil lagā kar

    bastī laḌkiyoñ meñ badnām ho rahā huuñ

    salmā se dil lagā kar salmā se dil lagā kar

    us hūr-vash ke ġham meñ duniyā-o-dīñ gañvā kar

    hosh-o-havās kho kar sabr-o-sukūñ luTā kar

    baiThe biThā.e dil meñ ġham ḳhalish basā kar

    har chiiz ko bhulā kar

    salmā se dil lagā kar

    bastī laḌkiyoñ meñ badnām ho rahā huuñ

    kahtī haiñ sab ye kis taḌpā ga.ī hai sūrat

    salmā shāyad is ke man bhā ga.ī hai sūrat

    aur us ke ġham meñ itnī murjhā ga.ī hai sūrat

    murjhā ga.ī hai sūrat kumhlā ga.ī hai sūrat

    sañvlā ga.ī hai sūrat

    salmā se dil lagā kar

    bastī laḌkiyoñ meñ badnām ho rahā huuñ

    panghaT pe jab ki saarī hotī haiñ jam.a aa kar

    gāgar ko apnī rakh kar, ghuñghaT uThā uThā kar

    ye qissa chheḌtī haiñ mujh ko batā batā kar

    salmā se bāteñ karte dekhā hai is ko kar

    ham ne nazar bachā kar

    salmā se dil lagā kar

    bastī laḌkiyoñ meñ badnām ho rahā huuñ

    rātoñ ko giit gaane jab mil kar aatī haiñ sab

    tālāb ke kināre dhūmeñ machātī haiñ sab

    jañgal chāñdnī meñ mañgal manātī haiñ sab

    to mere aur salmā ke giit gaatī haiñ sab

    aur hañstī jaatī haiñ sab

    salmā se dil lagā kar

    bastī laḌkiyoñ meñ badnām ho rahā huuñ

    khetoñ se lauTtī haiñ jab din chhupe makāñ ko

    tab rāste meñ bāham vo merī dāstāñ ko

    dohrā ke chheḌtī haiñ salmā ko merī jaañ ko

    aur vo hayā maarī letī hai zabāñ ko

    ki chheḌe is bayāñ ko

    salmā se dil lagā kar

    bastī laḌkiyoñ meñ badnām ho rahā huuñ

    kahtī hai rahm khā kar yuuñ ek māh-e-tal.at

    ye shahrī naujavāñ thā kis darja ḳhūb-sūrat

    āñkhoñ meñ bas rahī hai ab bhī vo pahlī rañgat

    do din meñ aah kyā hai kyā ho ga.ī hai hālat

    allāh terī qudarat

    salmā se dil lagā kar

    bastī laḌkiyoñ meñ badnām ho rahā huuñ

    us sham.a-rū jab se parvāna ban gayā huuñ

    bastī laḌkiyoñ meñ afsāna bin gayā huuñ

    har māh-vash ke lab paimāna ban gayā huuñ

    dīvāna ho rahā huuñ dīvāna ban gayā huuñ

    dīvāna ban gayā huuñ

    salmā se dil lagā kar

    bastī laḌkiyoñ meñ badnām ho rahā huuñ

    un zabāñ pe merī jitnī kahāniyāñ haiñ

    kyā jāneñ ye ki dil sab mehrbāniyāñ haiñ

    kam-sin haiñ be-ḳhabar haiñ uThtī javāniyāñ haiñ

    kyā samjheñ ġham ke hāthoñ kyuuñ sar-girāniyāñ haiñ

    kyuuñ ḳhūñ-fishāniyāñ haiñ

    salmā se dil lagā kar

    bastī laḌkiyoñ meñ badnām ho rahā huuñ

    har ik ke rahm yuuñ iz.hār ho rahā hai

    bechāre ko ye kaisā āzār ho rahā hai

    dekhe to koī jaane bīmār ho rahā hai

    kis darja zindagī se bezār ho rahā hai

    nā-chār ho rahā hai

    salmā se dil lagā kar

    bastī laḌkiyoñ meñ badnām ho rahā huuñ

    ik pūchhtī hai aa kar tum be-qarār kyuuñ ho

    kuchh to hameñ batāo yuuñ dil-figār kyuuñ ho

    kyā rog hai kaho to tum ashk-bār kyuuñ ho

    dīvāne kyuuñ hue ho dīvāna vaar kyuuñ ho

    bā-hāl-e-zār kyuuñ ho

    salmā se dil lagā kar

    bastī laḌkiyoñ meñ badnām ho rahā huuñ

    jā.ūñ shikār ko gar bā-hamrahān-e-sahrā

    khetoñ se ghūrtī haiñ yuuñ duḳhtarān-e-sahrā

    bijlī raushnī ko jaise miyān-e-sahrā

    tārīk shab meñ dekheñ kuchh āhuvān-e-sahrā

    hairat kushān-e-sahrā

    salmā se dil lagā kar

    bastī laḌkiyoñ meñ badnām ho rahā huuñ

    ik shoḳh chheḌtī hai is tarah paas aa kar

    dekho vo rahī hai salmā nazar bachā kar

    sharmā ke muskurā kar āñchal se muñh chhupā kar

    jaao pīchhe pīchhe do bāteñ kar lo kar

    khetoñ meñ chhup chhupā kar

    salmā se dil lagā kar

    bastī laḌkiyoñ meñ badnām ho rahā huuñ

    goyā hameñ hasad se kuchh nāznīn nigāheñ

    salmā bhā ga.ī haiñ kyuuñ dil-nashīñ nigāheñ

    un se zyāda dilkash haiñ ye hasīñ nigāheñ

    al-qissa ek dil hai sau ḳhashmagīñ nigāheñ

    shauq āfrīñ nigāheñ

    salmā se dil lagā kar

    bastī laḌkiyoñ meñ badnām ho rahā huuñ

    ik shoḳh taaza dārad sasurāl se ghar aa kar

    sakhiyoñ se pūchhtī hai jis dam mujhe batā kar

    ye kaun hai to zālim kahtī haiñ muskurā kar

    tum is haal pūchho salmā ke dil se kar

    ye giit use sunā kar

    salmā se dil lagā kar

    bastī laḌkiyoñ meñ badnām ho rahā huuñ

    faryaadi-e-jafa-e-ayyam ho raha hun

    pamal-e-jaur-e-baKHt-e-nakaam ho raha hun

    sargashta-e-KHayal-e-anjam ho raha hun

    basti ki laDkiyon mein badnam ho raha hun

    bad-nam ho raha hun

    salma se dil laga kar

    basti ki laDkiyon mein badnam ho raha hun

    salma se dil laga kar salma se dil laga kar

    us hur-wash ke gham mein duniya-o-din ganwa kar

    hosh-o-hawas kho kar sabr-o-sukun luTa kar

    baiThe biThae dil mein gham ki KHalish basa kar

    har chiz ko bhula kar

    salma se dil laga kar

    basti ki laDkiyon mein badnam ho raha hun

    kahti hain sab ye kis ki taDpa gai hai surat

    salma ki shayad is ke man bha gai hai surat

    aur us ke gham mein itni murjha gai hai surat

    murjha gai hai surat kumhla gai hai surat

    sanwla gai hai surat

    salma se dil laga kar

    basti ki laDkiyon mein badnam ho raha hun

    panghaT pe jab ki sari hoti hain jama aa kar

    gagar ko apni rakh kar, ghunghaT uTha uTha kar

    ye qissa chheDti hain mujh ko bata bata kar

    salma se baaten karte dekha hai is ko ja kar

    hum ne nazar bacha kar

    salma se dil laga kar

    basti ki laDkiyon mein badnam ho raha hun

    raaton ko git gane jab mil kar aati hain sab

    talab ke kinare dhumen machati hain sab

    jangal ki chandni mein mangal manati hain sab

    to mere aur salma ke git gati hain sab

    aur hansti jati hain sab

    salma se dil laga kar

    basti ki laDkiyon mein badnam ho raha hun

    kheton se lauTti hain jab din chhupe makan ko

    tab raste mein baham wo meri dastan ko

    dohra ke chheDti hain salma ko meri jaan ko

    aur wo haya ki mari si leti hai zaban ko

    ki chheDe is bayan ko

    salma se dil laga kar

    basti ki laDkiyon mein badnam ho raha hun

    kahti hai rahm kha kar yun ek mah-e-talat

    ye shahri naujawan tha kis darja KHub-surat

    aankhon mein bas rahi hai ab bhi wo pahli rangat

    do din mein aah kya hai kya ho gai hai haalat

    allah teri qudarat

    salma se dil laga kar

    basti ki laDkiyon mein badnam ho raha hun

    us shama-ru ka jab se parwana ban gaya hun

    basti ki laDkiyon mein afsana bin gaya hun

    har mah-wash ke lab ka paimana ban gaya hun

    diwana ho raha hun diwana ban gaya hun

    diwana ban gaya hun

    salma se dil laga kar

    basti ki laDkiyon mein badnam ho raha hun

    un ki zaban pe meri jitni kahaniyan hain

    kya jaanen ye ki dil ki sab mehrbaniyan hain

    kam-sin hain be-KHabar hain uThti jawaniyan hain

    kya samjhen gham ke hathon kyun sar-giraniyan hain

    kyun KHun-fishaniyan hain

    salma se dil laga kar

    basti ki laDkiyon mein badnam ho raha hun

    har ek ke rahm ka yun izhaar ho raha hai

    bechaare ko ye kaisa aazar ho raha hai

    dekhe to koi jaane bimar ho raha hai

    kis darja zindagi se bezar ho raha hai

    na-chaar ho raha hai

    salma se dil laga kar

    basti ki laDkiyon mein badnam ho raha hun

    ek puchhti hai aa kar tum be-qarar kyun ho

    kuchh to hamein batao yun dil-figar kyun ho

    kya rog hai kaho to tum ashk-bar kyun ho

    diwane kyun hue ho diwana war kyun ho

    ba-haal-e-zar kyun ho

    salma se dil laga kar

    basti ki laDkiyon mein badnam ho raha hun

    jaun shikar ko gar ba-hamrahan-e-sahra

    kheton se ghurti hain yun duKHtaran-e-sahra

    bijli ki raushni ko jaise miyan-e-sahra

    tarik shab mein dekhen kuchh aahuwan-e-sahra

    hairat kushan-e-sahra

    salma se dil laga kar

    basti ki laDkiyon mein badnam ho raha hun

    ek shoKH chheDti hai is tarah pas aa kar

    dekho wo ja rahi hai salma nazar bacha kar

    sharma ke muskura kar aanchal se munh chhupa kar

    jao na pichhe pichhe do baaten kar lo ja kar

    kheton mein chhup chhupa kar

    salma se dil laga kar

    basti ki laDkiyon mein badnam ho raha hun

    goya hamein hasad se kuchh naznin nigahen

    salma ki bha gai hain kyun dil-nashin nigahen

    un se zyaada dilkash hain ye hasin nigahen

    al-qissa ek dil hai sau KHashmagin nigahen

    shauq aafrin nigahen

    salma se dil laga kar

    basti ki laDkiyon mein badnam ho raha hun

    ek shoKH taza darad sasural se ghar aa kar

    sakhiyon se puchhti hai jis dam mujhe bata kar

    ye kaun hai to zalim kahti hain muskura kar

    tum is ka haal puchho salma ke dil se ja kar

    ye git use suna kar

    salma se dil laga kar

    basti ki laDkiyon mein badnam ho raha hun

    Source:

    • Book : Kulliyat-e-Akhtar shirani (Pg. 70)
    • Author : Gopal Mittal
    • Publication : Modern Publishing House (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY