baghair suraj ke din

baġhair sūraj ke din udāsī kā tarjumāñ hai

bikharte pattoñ ne mujh se pūchhā hai tū kahāñ hai

daraḳht har sū udaas chehre charāġh jaise bujhe hue haiñ

na aks paanī meñ mah-vashoñ ke na raqs dil meñ bahār-e-jahāñ hai

havā ke nauhoñ meñ terī ḳhushbū rachī huī hai

havā ke nauhoñ ne mujh se pūchhā hai tū kahāñ hai

baġhair sūraj ke din mirī maut kā nishāñ hai

sisakte lamhoñ kā kārvāñ hai

darāz rāhoñ ke naqsh raahī jo ajnabī the jo ajnabī haiñ

ḳhamoshiyoñ ke ka.ī alaav jale hue haiñ

sulagtī āñkhoñ ne mujh se pūchhā hai tū kahāñ hai

ye zindagī zindagī kā saaya ki ḳhauf kī koī dāstāñ hai

nafas nafas jis meñ imtihāñ hai

na ab darīche meñ terā chehra na āriz-o-lab kā phuul koī

na terī qāmat kisī qayāmat meñ chupke chupke badal rahī hai

na ab shikāyat na vo hikāyat na vo rivāyat ke silsile haiñ

sitam yahī hai ki ab sitam dil kā ham-zabāñ hai

tum ko logoñ ne mujh se pūchhā hai tū kahāñ hai

baġhair sūraj ke din udāsī kā tarjumāñ hai

baghair suraj ke din udasi ka tarjuman hai

bikharte patton ne mujh se puchha hai tu kahan hai

daraKHt har su udas chehre charagh jaise bujhe hue hain

na aks pani mein mah-washon ke na raqs dil mein bahaar-e-jahan hai

hawa ke nauhon mein teri KHushbu rachi hui hai

hawa ke nauhon ne mujh se puchha hai tu kahan hai

baghair suraj ke din meri maut ka nishan hai

sisakte lamhon ka karwan hai

daraaz rahon ke naqsh rahi jo ajnabi the jo ajnabi hain

KHamoshiyon ke kai alaw jale hue hain

sulagti aankhon ne mujh se puchha hai tu kahan hai

ye zindagi zindagi ka saya ki KHauf ki koi dastan hai

nafas nafas jis mein imtihan hai

na ab dariche mein tera chehra na aariz-o-lab ka phul koi

na teri qamat kisi qayamat mein chupke chupke badal rahi hai

na ab shikayat na wo hikayat na wo riwayat ke silsile hain

sitam yahi hai ki ab sitam dil ka ham-zaban hai

tum ko logon ne mujh se puchha hai tu kahan hai

baghair suraj ke din udasi ka tarjuman hai