bahta pani

ujle ujle tanāvar tanoñ par thame naḳhl-zār

muntashir in meñ sīmāb-gūñ nau-damīda hilāl an-ginat

be-karānī ke shaffāf zīnoñ pe vo

fāsloñ kā bharam bastiyāñ duur duur

āb-gūñ ik dhundalke meñ lipTī fazā ḳhvāb-gūñ

aur nazar kī pahuñch past-o-bālā meñ be-rok

maiñ ne kahā

kin ke nāmoñ se mansūb hoñge

ye takiye qadīm

shā.iba sā ik ehsās raftār kā

apne hone na hone kā be-sūd dhyān

achānak kahīñ ik darinde kā bain

vahshat-ālūd bad-maza bū amaltās kī

tez jhoñkā sā bhartā uḌaan

jhaaḌ jhankār ke darmiyāñ

par bachātā simaTtā guzartā huā

ik ta.āqub kī dahshat

ki tham jā

kahīñ oḌh le apnā ruup

ek zarb-e-musalsal

numūdār ho jā

magar hai kahāñ jo

numūdār ho ab

ki ham is se aarī hue

ye bhulāvā

panah-gāh-e-iḳhfā kā kotāh-dāman gaḌhā

kitnā pāyāb thā

jab vo miTTī nam-ālūd ab tak

vo uftād-gāh

ilm daar kī

maiñ ne pahchān lī

kaise pahchān lī

garm chhūne meñ ab tak vo sach

aur zaa.il

shikanja sā ehsās kā

roñgTā roñgTā chashm-e-bedār

aur paanī hī paanī

jahāñ tak nazar jaa.e phailā huā

diary

mere purkhoñ kī rūdād

jal-thal zamīñ

āsmāñ ke sivā aur koī

qadam rakhne kī jā nahīñ

tez raftār bachcha

saḌak paar karnā koī khel hai

us kā saaya banī maiñ

ubhartī idhar aur udhar Dūbtī

ujle ujle tanawar tanon par thame naKHl-zar

muntashir in mein simab-gun nau-damida hilal an-ginat

be-karani ke shaffaf zinon pe wo

faslon ka bharam bastiyan dur dur

aab-gun ek dhundalke mein lipTi faza KHwab-gun

aur nazar ki pahunch past-o-baala mein be-rok

main ne kaha

kin ke namon se mansub honge

ye takiye qadim

shaiba sa ek ehsas raftar ka

apne hone na hone ka be-sud dhyan

achanak kahin ek darinde ka bain

wahshat-alud bad-maza bu amaltas ki

tez jhonka sa bharta uDan

jhaD jhankar ke darmiyan

par bachata simaTta guzarta hua

ek taaqub ki dahshat

ki tham ja

kahin oDh le apna rup

ek zarb-e-musalsal

numudar ho ja

magar hai kahan jo

numudar ho ab

ki hum is se aari hue

ye bhulawa

panah-gah-e-iKHfa ka kotah-daman gaDha

kitna payab tha

jab wo miTTi nam-alud ab tak

wo uftad-gah

ilm dar ki

main ne pahchan li

kaise pahchan li

garm chhune mein ab tak wo sach

aur zail

shikanja sa ehsas ka

rongTa rongTa chashm-e-bedar

aur pani hi pani

jahan tak nazar jae phaila hua

diary

mere purkhon ki rudad

jal-thal zamin

aasman ke siwa aur koi

qadam rakhne ki ja nahin

tez raftar bachcha

saDak par karna koi khel hai

us ka saya bani main

ubharti idhar aur udhar Dubti