bahut be-abru ho kar

bajī ghanTī jo chhuTTī kī to hañste gaate ham nikle

kisī moTe se maulā-baḳhsh ke sah kar sitam nikle

batāo haath par paḌne se us kā haal kyā hogā

nazar aa jaate haiñ jis bed ke ham sab kā dam nikle

kabhī jab bhuul kar baste ko apne khol kar baiThe

phaTī niklīñ kitābeñ aur sab TuuTe qalam nikle

natīja-gāh se nikle to is hālat meñ ham nikle

ki le kar apne dil meñ fail ho jaane kā ġham nikle

bahāna Taañg kī taklīf kā aisā kiyā ham ne

ki lañgḌāte chale aur gir paḌe jab do qadam nikle

nikālā mumtahin ne naql karne se to bole ham

bahut be-ābrū ho kar tire kamre se ham nikle

baji ghanTi jo chhuTTi ki to hanste gate hum nikle

kisi moTe se maula-baKHsh ke sah kar sitam nikle

batao hath par paDne se us ka haal kya hoga

nazar aa jate hain jis bed ke hum sab ka dam nikle

kabhi jab bhul kar baste ko apne khol kar baiThe

phaTi niklin kitaben aur sab TuTe qalam nikle

natija-gah se nikle to is haalat mein hum nikle

ki le kar apne dil mein fail ho jaane ka gham nikle

bahana Tang ki taklif ka aisa kiya hum ne

ki langDate chale aur gir paDe jab do qadam nikle

nikala mumtahin ne naql karne se to bole hum

bahut be-abru ho kar tere kamre se hum nikle