bain-ul-admain

ye tazād-e-jān-o-jasad jise

tū visāl kah le firāq meñ

tū nashāt kah le mirāq meñ

tū ruvāq kah le ki bahr-o-bar

maiñ mazāq kah luuñ ki ḳhair-o-shar

tere mere kahne meñ kuchh nahīñ

ki tirā yaqīn mirā gumāñ

ki mirā gumān tirā yaqīñ

tire dark-o-hosh-o-havās kī

mire vajd-o-vahm-o-qayās kī

yahī ek pal to asaas hai

yahī ek pal tire paas hai

yahī ek pal mire paas hai

isī ek pal ko murūr hai

isī ek pal ko davām hai

isī ek pal ko qayām hai

isī ek pal ko salām hai

na hayāt azal na ajal abad

yahī pal azal yahī pal abad!

ye tazad-e-jaan-o-jasad jise

tu visal kah le firaq mein

tu nashat kah le miraq mein

tu ruwaq kah le ki bahr-o-bar

main mazaq kah lun ki KHair-o-shar

tere mere kahne mein kuchh nahin

ki tera yaqin mera guman

ki mera guman tera yaqin

tere dark-o-hosh-o-hawas ki

mere wajd-o-wahm-o-qayas ki

yahi ek pal to asas hai

yahi ek pal tere pas hai

yahi ek pal mere pas hai

isi ek pal ko murur hai

isi ek pal ko dawam hai

isi ek pal ko qayam hai

isi ek pal ko salam hai

na hayat azal na ajal abad

yahi pal azal yahi pal abad!