bam dhamaka

sarmā kī be-rahm fazā meñ

surḳh lahū ne bahte bahte

hairānī se

taptī huī is ḳhaak ko dekhā

abhī to maiñ in niilī garm ragoñ meñ

kaise dauḌ rahā thā

bujhtī huī ik saañs kī lau ne

apne nanhe jīvan kī

is āḳhirī tez kaTīlī hichkī ko jhaTkā

do ḳhālī nazreñ

duur dhuveñ ke paar

kahīñ kuchh DhūñD rahī thiiñ

abhī abhī to niilā ambar

bāheñ khole tanā khaḌā thā

mandī mandī sī dhuup

yahāñ kone meñ aa kar leT ga.ī thī

phir kis ne is jīte-jāgte

manzar meñ ye aag bharī hai

kaalī fazā meñ uḌte reshe

ādhī-adhūrī be-bas lāsheñ

surḳh lahū ne hairānī se

jale hue manzar ko dekhā

āḳhirī tez kaTīlī hichkī

TuuT rahī thī

sarma ki be-rahm faza mein

surKH lahu ne bahte bahte

hairani se

tapti hui is KHak ko dekha

abhi to main in nili garm ragon mein

kaise dauD raha tha

bujhti hui ek sans ki lau ne

apne nanhe jiwan ki

is aaKHiri tez kaTili hichki ko jhaTka

do KHali nazren

dur dhuwen ke par

kahin kuchh DhunD rahi thin

abhi abhi to nila ambar

bahen khole tana khaDa tha

mandi mandi si dhup

yahan kone mein aa kar leT gai thi

phir kis ne is jite-jagte

manzar mein ye aag bhari hai

kali faza mein uDte reshe

aadhi-adhuri be-bas lashen

surKH lahu ne hairani se

jale hue manzar ko dekha

aaKHiri tez kaTili hichki

TuT rahi thi