banjar KHayali ke din

Sidra Afzal

banjar KHayali ke din

Sidra Afzal

MORE BYSidra Afzal

    ruuh bechain hai

    chashm-e-pur-āb se bārishoñ tavaqqo.a bhī be-kār hai

    lafz-gar sā.ateñ shā.irī ke tarannum se sarshār

    to haiñ magar

    nazm ke saat sur

    merī kohna samā.at se Takrā ke

    vāpas kahīñ chuke haiñ

    mirī zaat ḳhāmoshiyoñ ke safar par ravāna hai

    aur maiñ purāne gharoñ ke jharokoñ se

    ta.abīr ke silsile joḌtī phir rahī huuñ

    sabhī koshisheñ mustaqil be-natīja

    naqāhat bharī zindagī se murassā

    shafā.at tālib baġhāvat rasiyā

    mere zā.iche

    meñ likhī chukī haiñ

    alif laam ke suḳhnavar mujhe

    koī rasta dikhā

    ki maiñ bhī pur-asrār vaqtoñ kunDalī

    nikālūñ sarakte pighalte hue barr-e-āzam ke naqshe paḌhūñ

    nīlgūñ āsmānoñ meñ bikhre hue bādaloñ ko nigalte hue mushtarī ke kisī chāñd par āftābī-sifat zā.icha likh sakūñ

    raat ke ba.ad din to yaqīnī hai par aañkh kyā bharosa khule na khule vaqt Dor se bañdh ke chaltā huā ek saaya

    ye jīvan mile na mile aur dhartī pe ḳhvāboñ sabza uge na uge

    ai mere rāzdāñ merī chādar ki jis se hai lipTī huī ye ḳhizāñ

    mere hāthoñ mehñdī meñ Duubī huī ye lakīr-e-nihāñ jis meñ aglī sadī haiñ ra.anā.iyāñ kho jaa.eñ kahīñ

    mere hisse meñ likkhī huī āgahī so jaa.e kahīñ

    ādam-e-avvalīñ tarah mujh ko asmā sikhā koī rasta dikhā

    ruh bechain hai

    chashm-e-pur-ab se barishon ki tawaqqoa bhi be-kar hai

    lafz-gar saaten shairi ke tarannum se sarshaar

    to hain magar

    nazm ke sat sur

    meri kohna samaat se Takra ke

    wapas kahin ja chuke hain

    meri zat KHamoshiyon ke safar par rawana hai

    aur main purane gharon ke jharokon se

    tabir ke silsile joDti phir rahi hun

    sabhi koshishen mustaqil be-natija

    naqahat bhari zindagi se murassa

    shafaat ki talib baghawat ki rasiya

    mere zaiche

    mein likhi ja chuki hain

    alif lam ra ke suKHnawar mujhe

    koi rasta dikha

    ta ki main bhi pur-asrar waqton ki kunDali

    nikalun sarakte pighalte hue barr-e-azam ke naqshe paDhun

    nilgun aasmanon mein bikhre hue baadalon ko nigalte hue mushtari ke kisi chand par aaftabi-sifat zaicha likh sakun

    raat ke baad din to yaqini hai par aankh ka kya bharosa khule na khule waqt ki Dor se bandh ke chalta hua ek saya

    ye jiwan mile na mile aur dharti pe KHwabon ka sabza uge na uge

    ai mere raazdan meri chadar ki jis se hai lipTi hui ye KHizan

    mere hathon ki mehndi mein Dubi hui ye lakir-e-nihan jis mein agli sadi ki hain ranaiyan kho na jaen kahin

    mere hisse mein likkhi hui aagahi so na jae kahin

    aadam-e-awwalin ki tarah mujh ko asma sikha koi rasta dikha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY