barkha-rut

Altaf Hussain Hali

barkha-rut

Altaf Hussain Hali

MORE BY Altaf Hussain Hali

    garmī tapish bujhāne vaalī

    sardī payām laane vaalī

    qudrat ke ajā.ibāt kaañ

    aarif ke liye kitāb-e-irfāñ

    vo shāḳh-o-daraḳht javānī

    vo mor-o-malaḳh zindagānī

    vo saare baras jaan barsāt

    vo kaun-e-ḳhudā shaan barsāt

    aa.ī hai bahut duāoñ ke ba.ad

    vo saikḌoñ iltijāoñ ke ba.ad

    vo aa.ī to aa.ī jaan meñ jaañ

    sab the koī din ke varna mehmāñ

    garmī se taḌap rahe the jān-dār

    aur dhuup meñ tap rahe the kohsār

    bhūbal se sivā thā reg-e-sahrā

    aur khaul rahā thā āb-e-dariyā

    sāñDe the biloñ meñ muñh chhupā.e

    aur haañp rahe the chārpā.e

    thiiñ lomaḌiyāñ zabāñ nikāle

    aur se hiran hue the kaale

    chītoñ ko na thī shikār sudh

    hirnoñ ko na thī qatār sudh

    the sher paḌe kachhār meñ sust

    ghaḌiyāl the rūd-bār meñ sust

    Dhoroñ huā thā haal patlā

    bailoñ ne diyā thā Daal kandhā

    bhaiñsoñ ke lahū na thā badan meñ

    aur duudh na thā ga.ū ke than meñ

    ghoḌoñ chhuTā thā ghaas daana

    thā pyaas un pe tāziyāna

    garmī lagā huā thā bhabkā

    aur ans nikal rahā thā sab

    tūfān the āñdhiyoñ ke barpā

    uThtā thā bagūle par bagūlā

    aare the badan pe ke chalte

    sho.ale the zamīn se nikalte

    thī aag de rahī havā kaam

    thā aag naam muft bad-nām

    rastoñ meñ savār aur paidal

    sab dhuup ke haath se the bekal

    ghoḌoñ ke na aage uThte the paañv

    miltī thī kahīñ jo ruukh chhāñv

    thī sab nigāh sū-e-aflāk

    paanī jagah barastī thī ḳhaak

    garmi ki tapish bujhane wali

    sardi ka payam lane wali

    qudrat ke ajaibaat ki kan

    aarif ke liye kitab-e-irfan

    wo shaKH-o-daraKHt ki jawani

    wo mor-o-malaKH ki zindagani

    wo sare baras ki jaan barsat

    wo kaun-e-KHuda ki shan barsat

    aai hai bahut duaon ke baad

    wo saikDon iltijaon ke baad

    wo aai to aai jaan mein jaan

    sab the koi din ke warna mehman

    garmi se taDap rahe the jaan-dar

    aur dhup mein tap rahe the kohsar

    bhubal se siwa tha reg-e-sahra

    aur khaul raha tha aab-e-dariya

    sanDe the bilon mein munh chhupae

    aur hanp rahe the chaarpae

    thin lomaDiyan zaban nikale

    aur lu se hiran hue the kale

    chiton ko na thi shikar ki sudh

    hirnon ko na thi qatar ki sudh

    the sher paDe kachhaar mein sust

    ghaDiyal the rud-bar mein sust

    Dhoron ka hua tha haal patla

    bailon ne diya tha Dal kandha

    bhainson ke lahu na tha badan mein

    aur dudh na tha gau ke than mein

    ghoDon ka chhuTa tha ghas dana

    tha pyas ka un pe taziyana

    garmi ka laga hua tha bhabka

    aur ans nikal raha tha sab ka

    tufan the aandhiyon ke barpa

    uThta tha bagule par bagula

    aare the badan pe lu ke chalte

    shoale the zamin se nikalte

    thi aag ka de rahi hawa kaam

    tha aag ka nam muft bad-nam

    raston mein sawar aur paidal

    sab dhup ke hath se the bekal

    ghoDon ke na aage uThte the panw

    milti thi kahin jo rukh ki chhanw

    thi sab ki nigah su-e-aflak

    pani ki jagah barasti thi KHak

    Source:

    • Book : intekhab-e-sukhan (Pg. 24)
    • Author : Ibne Kanwal
    • Publication : Kitabi Duniya (2005-2008)
    • Edition : 2005-2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY