be-nam silsile
abhī maiñ barf se lipTe hue jazīre par
ḳhud apne aap se milne kī aarzū le kar
lagā huā huuñ savere ko shaam karne meñ
samundaroñ meñ ubharte bhañvar bulāte haiñ
ufuq se aatī sadā.eñ bhī khīñchtī haiñ magar
maiñ apnī soch se bāhar nikal nahīñ saktā
ajiib ḳhvāboñ kā be-nām silsila hai ye
ki zindagī se koī rābta nahīñ miltā
ḳhud apnī khoj meñ masrūf rahne vāloñ ko
kisī daraḳht kā saayā bhī yaañ nahīñ miltā
abhi main barf se lipTe hue jazire par
KHud apne aap se milne ki aarzu le kar
laga hua hun sawere ko sham karne mein
samundaron mein ubharte bhanwar bulate hain
ufuq se aati sadaen bhi khinchti hain magar
main apni soch se bahar nikal nahin sakta
ajib KHwabon ka be-nam silsila hai ye
ki zindagi se koi rabta nahin milta
KHud apni khoj mein masruf rahne walon ko
kisi daraKHt ka saya bhi yan nahin milta
Source:
Faseel (Pg. B-42 E-43)
- Author: Shariq Adeel
-
- Edition: 2011
- Publisher: Muskan Printers, Aligarh
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
