be-shumar aankhen

Shahzad Ahmad

be-shumar aankhen

Shahzad Ahmad

MORE BYShahzad Ahmad

    āsmāñ ke chehre par be-shumār āñkheñ haiñ

    be-shumār āñkhoñ meñ be-hisāb manzar haiñ

    manzaroñ ke ā.īne apne apne chehroñ ko ḳhud dekh sakte haiñ

    ḳhud jaan sakte haiñ apnī be-navā.ī ko

    vus.atoñ chādar par silvaTeñ bahut haiñ

    is ḳhamosh duniyā meñ āhaTeñ bahut haiñ

    aatī jaatī lahroñ azhdahām rahtā hai

    vaqt ek ḳhanjar hai

    be-niyām rahtā hai

    ye ajiib duniyā hai jis meñ kuchh nahīñ miltā

    phir bhī ek lamhe meñ be-shumār tārīḳheñ

    yuuñ badaltī rahtī haiñ

    jaise ḳhushk pattoñ Dher uḌtā phirtā hai

    be-kanār samtoñ meñ

    be-shumār samtoñ meñ be-shumār āñkheñ haiñ

    kuchh nahīñ hai takne ko aur hazār āñkheñ haiñ

    rāstoñ ke dhāge se har taraf laTakte haiñ

    ḳhaak ke jazīre se

    har taraf bhaTakte haiñ

    phir bhī āsmānoñ par raat ke añdhere meñ

    sub.h ke savere haiñ

    ye ajab muamma hai

    jis taraf bhī ham dekheñ

    TūTte hue lamhe bhāgte hue raste jāgte hue manzar

    ā.inoñ ke andar bhī ā.inoñ ke bāhar bhī

    ek shor barpā hai

    jis ko ham nahīñ sunte

    aur vo ham se kahtā hai

    tum bhī mere jaise ho

    maiñ bhī miTne vaalā huuñ tum bhī miTne vaale ho

    āsmāñ ke chehre par be-shumār āñkheñ haiñ

    be-shumār āñkhoñ meñ be-hisāb manzar haiñ

    manzaroñ ke ā.īne

    rañg rañg ā.īne ke javāb manzar haiñ

    manzaroñ ke andar bhī sad hazār manzar haiñ

    vo bhī miTne vaale haiñ

    ham bhī miTne vaale haiñ

    aasman ke chehre par be-shumar aankhen hain

    be-shumar aankhon mein be-hisab manzar hain

    manzaron ke aaine apne apne chehron ko KHud hi dekh sakte hain

    KHud hi jaan sakte hain apni be-nawai ko

    wusaton ki chadar par silwaTen bahut si hain

    is KHamosh duniya mein aahaTen bahut si hain

    aati jati lahron ka azhdaham rahta hai

    waqt ek KHanjar hai

    be-niyam rahta hai

    ye ajib duniya hai jis mein kuchh nahin milta

    phir bhi ek lamhe mein be-shumar tariKHen

    yun badalti rahti hain

    jaise KHushk patton ka Dher uDta phirta hai

    be-kanar samton mein

    be-shumar samton mein be-shumar aankhen hain

    kuchh nahin hai takne ko aur hazar aankhen hain

    raston ke dhage se har taraf laTakte hain

    KHak ke jazire se

    har taraf bhaTakte hain

    phir bhi aasmanon par raat ke andhere mein

    subh ke sawere hain

    ye ajab muamma hai

    jis taraf bhi hum dekhen

    TuTte hue lamhe bhagte hue raste jagte hue manzar

    aainon ke andar bhi aainon ke bahar bhi

    ek shor barpa hai

    jis ko hum nahin sunte

    aur wo hum se kahta hai

    tum bhi mere jaise ho

    main bhi miTne wala hun tum bhi miTne wale ho

    aasman ke chehre par be-shumar aankhen hain

    be-shumar aankhon mein be-hisab manzar hain

    manzaron ke aaine

    rang rang aaine ke jawab manzar hain

    manzaron ke andar bhi sad hazar manzar hain

    wo bhi miTne wale hain

    hum bhi miTne wale hain

    Videos
    This video is playing from YouTube

    Videos
    This video is playing from YouTube

    Zia Mohyeddin

    Zia Mohyeddin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY