aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

be-yaqin bastiyan

Ali Akbar Natiq

be-yaqin bastiyan

Ali Akbar Natiq

MORE BYAli Akbar Natiq

    vo ik musāfir thā chukā hai

    batā gayā thā ki be-yaqīnoñ bastiyoñ meñ kabhī na rahnā

    kabhī na rahnā ki un pe itne azaab utreñge jin gintī adad se bāhar

    vo apne murde tumhāre kāñdhoñ pe rakh ke tum ko judā kareñge

    tum un janāzoñ ko qarya qarya liye phiroge

    falak bhī jin se nā-āshnā hai jinheñ zamīneñ bhī rad kareñgī

    vo kah gayā thā hamesha zillat se duur rahnā

    ki bad-nasīboñ rizq-e-avval unhīñ zamīnoñ se paidā hotā hai

    jin zamīnoñ pe bhūrī giddhoñ nochī haDDī ke reze bikhrīñ

    tum apnī raa.e ko istaqāmat aab denā

    jise pahāḌoñ ḳhushk sañgīñ bulandiyoñ se ḳhirāj bhejeñ

    ġhulām zehnoñ pe aisī lānat rasm rakhnā

    jo terī nasloñ phir un nasloñ phir un nasloñ talak bhī jaa.e

    tumheñ ḳhabar ho sharīf logoñ ūñchī gardan lachak se aise be-ḳhabar hai

    savād-e-ġhurbat meñ ḳhema-gāhoñ jaise gaaḌī hoñ ḳhushk chobeñ

    kabhī na shāne jhukā ke chalnā

    ki past-qāmat tumhāre qadmoñ se apne qadmoñ ko joḌ deñge

    vahī nahūsat tumheñ ḳharāboñ pāsbānī atā karegī

    sarāb-āñkhoñ ke rāstoñ se tumhāre gurdoñ meñ ret pheñkeñge aur siine ko kaaT deñge

    vo kah gayā thā yahī vo illat ke maare vahshī haiñ jin apnī zabāñ nahīñ hai

    ye jhaag uḌāte haiñ apne jabḌoñ se lajlaje to gaḌgaḌāhaT shor uThtā hai

    aur badbū bikhertā hai

    yahī vo bad-baḳht be-hunar aur be-yaqīñ haiñ ki jin diyat na ḳhūñ-bahā hai

    so in qurbat se duur rahnā najāt-e-dil sabab banegā

    vo ik musāfir thā kah gayā hai

    wo ek musafir tha ja chuka hai

    bata gaya tha ki be-yaqinon ki bastiyon mein kabhi na rahna

    kabhi na rahna ki un pe itne azab utrenge jin ki ginti adad se bahar

    wo apne murde tumhaare kandhon pe rakh ke tum ko juda karenge

    tum un janazon ko qarya qarya liye phiroge

    falak bhi jin se na-ashna hai jinhen zaminen bhi rad karengi

    wo kah gaya tha hamesha zillat se dur rahna

    ki bad-nasibon ka rizq-e-awwal unhin zaminon se paida hota hai

    jin zaminon pe bhuri giddhon ki nochi haDDi ke reze bikhrin

    tum apni rae ko istaqamat ki aab dena

    jise pahaDon ki KHushk sangin bulandiyon se KHiraj bhejen

    ghulam zehnon pe aisi lanat ki rasm rakhna

    jo teri naslon phir un ki naslon phir un ki naslon talak bhi jae

    tumhein KHabar ho sharif logon ki unchi gardan lachak se aise hi be-KHabar hai

    sawad-e-ghurbat mein KHema-gahon ki jaise gaDi hon KHushk choben

    kabhi na shane jhuka ke chalna

    ki past-qamat tumhaare qadmon se apne qadmon ko joD denge

    wahi nahusat tumhein KHarabon ki pasbani ata karegi

    sarab-ankhon ke raston se tumhaare gurdon mein ret phenkenge aur sine ko kaT denge

    wo kah gaya tha yahi wo illat ke mare wahshi hain jin ki apni zaban nahin hai

    ye jhag uDate hain apne jabDon se lajlaje ka to gaDgaDahaT ka shor uThta hai

    aur badbu bikherta hai

    yahi wo bad-baKHt be-hunar aur be-yaqin hain ki jin ki diyat na KHun-baha hai

    so in ki qurbat se dur rahna najat-e-dil ka sabab banega

    wo ek musafir tha kah gaya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now