begangi

lauh-e-tārīk par āb-e-mahtāb se ik kahānī ke anjām meñ do siroñ ko milāte hue

apnī bīnā.ī khotā huā

apnā sar noch khātā huā

uñgliyoñ ko na.e rang se āshnā kar rahā hai

to kyā

in siroñ meñ na.e rang paḌne se

in kī masāfat meñ koī kamī aa.egī

qahqaha

ashk-rezī

ḳhushī

aur

ġham

saare jazboñ se begāngī kā shubah

mū-qalam sāz-e-hairat pe thirkan dikhāne lagā

kyā huā

bo'd-o-dūrī masāfat zamān-o-makāñ

ik safsita hai kullī safsita jahāñ-zādoñ kā

tum ḳhayāl-e-masāfat ko qurbat kī shamshīr se

chiir do

aur masāfat ke ḳhāne meñ hairat bharo

bo'd miT jā.egā

qurb mil jā.egā

lauh-e-tarik par aab-e-mahtab se ek kahani ke anjam mein do siron ko milate hue

apni binai khota hua

apna sar noch khata hua

ungliyon ko nae rang se aashna kar raha hai

to kya

in siron mein nae rang paDne se

in ki masafat mein koi kami aaegi

qahqaha

ashk-rezi

KHushi

aur

gham

sare jazbon se begangi ka shubah

mu-qalam saz-e-hairat pe thirkan dikhane laga

kya hua

bo'd-o-duri masafat zaman-o-makan

ek safsita hai kulli safsita jahan-zadon ka

tum KHayal-e-masafat ko qurbat ki shamshir se

chir do

aur masafat ke KHane mein hairat bharo

bo'd miT jaega

qurb mil jaega